E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Pesë familjet më të mëdha krimit në Nju Jork/ Ngritja dhe rënia e mafies italo-amerikane

25 Korrik 2020, 06:43, Blog CNA

Në vitin 1931, pas disa dekadave lufte të egër midis bandave rivale, gangsteri i zonës së Bruklinit në Nju Jork, Salvatore Maranxano, themeloi organizatën e parë mafioze, ku merrnin pjesë udhëheqësit e 5 organizatave kriminale më të mëdha italo-amerikane të qytetit të Nju Jorkut, duke e shpallur veten ?Capo di tutti capi? (bosi i gjithë bosëve).

Maranxano u vra po atë vit, ndërsa bosët e tjerë preferuan të ndajnë udhëheqjen e tyre nën atë që u bë e njohur si ?Komisioni?. Por krijesa e Maranxanos mbijetoi, dhe Pesë Familjet e Nju Jorkut, u bënë lojtarët kryesore në sagën e mafies italo-amerikane.

Familja Gambino

Ishte familja mafioze që dominonte ?Komisionin?. Një nga figurat më të njohura ishte vrasësi i pamëshirshëm Albert Anastasia, që dyshohet se eliminoi në vitin 1951 kreun e familjes Vinsent Manjano, përpara se të ekzekutohej vetë në vitin 1957.

Vrasja e tij i hapi rrugën fuqizimit të Karlo Gambinos, dhe më vonë famëkeqit Xhon Goti, që në vitin 1985 organizoi vrasjen e pasardhësit të zgjedhur të familjes, Pol Kastelano. Gambinot u rikthyen në faqet e para të mediave në vitin 2008, me arrestimin e dhjetëra anëtarëve të familjes, dhe sërish në vitin 2019 për shkak të vrasjes së bosit Frenk Kali.

Familja Lukeze

Për vite me radhë, kjo familje operoi si një organizatë kriminale model nën drejtimin e Tomi Galianos dhe më pas Tomi Lukezes, miq të vjetër që nga koha e Prohibicionit, dhe që e kishin kuptuar rëndësinë e shmangies së bujës dhe përmendjes nga media.

Por kjo qasje ndryshoi nën bosin Karmine Tramunti, që u dënua në vitin 1973 për trafik heroine. Pasardhësi i tij Entoni Koralo riktheu fshehtësinë organizatës, teksa i drejtonte punët kryesisht përmes telefonit. Gjithsesi Koralo u dënua në mesin e viteve 1980, duke i hapur rrugën mbretërimit të përgjakshëm të Vik Amuzo dhe Entoni Kaso.

Sjellja e dhunshme e Amuzos, vulosi edhe fatin e tij, kur njëri nga njerëzit e tij më të afërt Alfons D?Arko vendosi të bashkëpunonte me drejtësinë në fillim të viteve 1990. Gjithsesi, thuhet se Amuzo vazhdoi të kishte edhe për shumë vite një pushtet absolut edhe pas hekurave të burgut.

Familja Gjenoveze

Banda e drejtuar fillimisht nga Laki Luçiano, është quajtur vlerësuar si më e fuqishmja në botën e krimit të organizuar për shkak të madhësisë së saj, operacionet e fuqishme në fusha të ndryshme, nga lojërat e fatit deri në aftësia për të siguruar besnikërinë e pjesëtarëve të saj përmes ?Omertà?, Kodit mafioz të Heshtjes.

Kur Luçiano u dënua me burg për prostitucion në vitin 1936, udhëheqja e familjes i kaloi Frenk Kostelos, që e zgjeroi veprimtarinë e organizatës në Las Vegas. Dhe më vonë tek Vito Gjenovese, që i dha edhe emrin e tij familjes mafioze, para se të dënohej për trafik droge në vitin 1959.

Dekadat e fundit të shekullit XX, Familja Gjenoveze u drejtua nga Vinsent Xhigante. Ai forcoi kontrollin mbi grupin, dhe shtoi gjobat mbi bizneset e ndërtimit. Ai i ndaloi ndaloi anëtarët e grupit të flisnin në emër të tij, dhe bridhte shpesh rrugëve me robdeshambër në përpjekje për ta bindur FBI-në se ishte i çmendur.

Familja Bonano

Një nga familjet më të vjetra të mafies amerikane, ka përjetuar edhe disa nga skandalet më famëkeqe, duke filluar me vrasjen e urdhëruar nga Laki Luçiano të Salvatore Maranxanos. Pas atij akti, Luçiano vendosi në krye të organizatës 26-vjeçarin Xho Bonano.

Edhe pse e forcoi autoritetin e tij duke lidhur një aleancë me familjen Profaci, Bonano u largua nga drejtimi, pasi në vitin 1964 u demaskua plani i tij për të vrarë Tomi Lukezen dhe Karlo Gambinon, duke nxitur nisjen e një lufte të egër për pushtet në botën e krimit të njohur si Lufta e Bananeve.

Në dekadat që pasuan, bosi Karmine Galante i solli më shumë telashe familjes, duke vrarë gangsterët rivalë që ndërhynin trafikun e tij të drogës, gjë që çoi në vrasjen e tij në 1979. Ndërkohë, agjenti i FBI-së, Xho Pistone arriti të infiltrohej për 6 vite në familje nën identitetin e rremë Doni Brasko.

Dëshmitë e mbledhura prej tij çuan në 100 dënime. Pavarësisht kësaj goditje, Bonanot arritën ta rimerrnin veten nën udhëheqjen e Xhoi Masinos, deri kur ai u bë bosi i parë i krimit në Nju Jork që u shndërrua në bashkëpunëtorin e drejtësisë pas arrestimit në vitin 2003.

Familja Kolombo

Më e reja nga Pesë Familjet mafioze u themelua në vitin 1928, nga importuesi i vajit të ullirit Xho Profaci, një biznesmen që merrej me aktivitete ilegale si gjobë-vënia, prostitucioni dhe trafiku i drogës.

Bosi i shkollës së vjetër, tentoi të ulë përqindjen e fitimeve për anëtarët e familjes, por kjo ngjalli rebelimin e Xho Galos dhe vëllezërve të tij në fillim të viteve 1960. Kalimi i drejtimit të familjes tek Xho Kolombo, shkaktoi trazira të brendshme, bashkë me një atentat ndaj tij në vitin 1971.

Pas një periudhe stabiliteti relativ, organizata u zhyt sërish në një luftë civile në vitet 1990, si pasojë e përpjekjes të bosit të burgosur Karmine Persiko për të marrë kontrollin e plotë të familjes mafioze. Në vitin 2011, media raportoi për disa goditje të reja në hierarkinë drejtuese të familjes Kolombo, edhe pse ajo ishte larg shpërbërjes, falë kontrollit të saj të fortë mbi sindikatën e punëtorëve të çimentos dhe betonit./ biography.com–Përshtatur nga CNA.al