web counter
LEXO PA REKLAMA!

SHKARKO APP

App Store
Google Play

Vota e emigrantëve/ Rama: Është proces shumë i vonuar për Reformën Zgjedhore

22 Qershor 2020, 14:45, Politikë CNA

Kryeministri Edi Rama ka zhvilluar një takim online me Këshillin koordinues të Diasporës  për të diskutuar ecurinë dhe mundësinë e votimit të emigrantëve.

Rama e cilësoi si objektiv votën e emigrantëve dhe tregoi se për këtë çqështje ka punuar edhe me opozitën.

Sipas tij, qeverisë nuk i ka munguar dhe as nuk i mungon vullneti politik për të analizuar këtë objektiv si të një rëndësie të veçantë që lidhet me mjedisin dhe me kornizën e zhvillimit të zgjedhjeve në Shqipëri.

?Dua të them është se së pari, ky është një angazhim i programuar dhe publik i marrë prej nesh.

Së dyti, ne kemi punuar në funksion për këtë angazhim paralelisht me procesin politik i cili për shumë arsye është një proces shumë i vonuar për Reformën Zgjedhore për zgjedhjet e ardhshme.

Dhe së treti, për të nënvizuar që ne as na ka munguar as na mungon për ta realizuar këtë objektiv. Është një objektiv që në këndvështrimin tonë ka rëndësi të veçantë. Një prej objektivave strategjike që lidhen me kornizën dhe mjedisin e zgjedhjeve në Shqipëri.

Natyrisht që unë e kam ndjekur gjithë përpjekjen tuaj edhe diskutimet. Më vjen mirë që kontakti me qeverinë drejtpërdrejt nuk ka munguar, si rezultat i angazhimit të ministrit Majko. Më vjen keq që keni vënë në dyshim vullnetin tonë, por është e kapërcyeshme?, u shpreh kreu i qeverisë./ CNA.al





Lajmet e fundit nga