LEXO PA REKLAMA!

SHKARKO APP

Nga macet e zeza tek fantazmat/ Bestytnitë kryesore që burojnë nga festa e Halloween

31 Tetor 2019, 07:43, Blog CNA
Nga macet e zeza tek fantazmat/ Bestytnitë kryesore që burojnë

Macet e zeza

Në Mesjetë, njerëzit mendonin se macet e zeza kishin lidhje me Djallin. Ndaj, ato bëheshin përgjegjëse për sëmundjen e tmerrshme të Murtajës. Gjatë gjyqit të famshëm të shtrigave në Salem, SHBA, njerëzit mendonin se gratë e akuzuara si shtriga, mund të shndërroheshin në mace të zeza. Një legjendë skoceze flet për macen Sith, një mace e zezë gjigante, që mund të vidhte shpirtin e një personi të vdekur, para se atë të merrnin Zotat.

Fantazmat nën çarçafë

Në festivalin e lashtë kelt, Samhain, 1 nëntori shënonte Vitin e Ri, pra kalimin nga vera e ngrohtë e të korrave, në dimrin e errët dhe të ftohtë. Keltët besonin se një natë përpara, zbehej kufiri mes të gjallëve dhe të vdekurve. Kjo i lejonte këta të fundi, të riktheheshin në tokë si fantazma. Gjatë shekujve XIX-XX, artistët i pikturuan fantazmat si të mbuluar me pëlhurën me të cilën ata ishin mbështjellë, dhe që ishin zakonisht çarçafët e shtratit.

Shtrigat

Lloji i shtrigës ë njohur në kulturën popullore, është frymëzuar nga perëndeshë pagane, që njihej si ?Nëna e Tokës?. Ajo nderohej gjatë Samhain, pasi ishte simbol i mençurisë, ndryshimit dhe stinëve të reja. Keltët besonin se shpirtrat hynin pas vdekjes në kazanin e saj, në pritje të rimishërimit.

Fshesat e shtrigave

Legjendat thonë se shtrigat përdornin këna në lëngjet e tyre magjike, pasi efektet e tyre psikoaktive, si haluçinacionet, supozohej se e forconin magjinë e tyre. Kur historiani anglez Rafael Holinshed, përshkroi historinë e magjistarit së parë të nxjerrë në gjyq në Irlandë, Elis Kajteler, ai tha se autoritetet gjetën lëngje të tilla në bishtin e një fshese. Ka pasur ndërkohë edhe përshkrime të shtrigave, që fluturojnë mbi objekte të tjera, si për shembull pirunj.

Lakuriqët e natës

Keltët ndiznin zjarre të mëdha, rreth të cilave kërcenin dhe bënin kurban kafshë të ndryshme. Zjarri tërhiqte shumë insekte, por edhe lakuriqët e natës. Gjithashtu thuhej se gjaku i lakuriqeve të natës, ishte një nga përbërësit kryesore në lëngjet haluçonegjene që përgatisnin shtrigat.

Vampirët

Rrëfimet për përbindëshat e natës, kanë origjina të ndryshme nga e gjithë bota. Por legjenda e vampirëve, u përhap shumë kur eksploruesit spanjollë zbuluan disa lakuriqë nate, që pinin gjak kafshësh.?Konti Drakula? vjen nga shkrimtari Bram Stoker dhe romani i tij i vitit 1897, por versionet më të vjetra të vampirëve, ishin shpirtrat demoniakë që nuk u ngjanin njerëzve që ktheheshin nga bota e përtejme.

Hëna e plotë

Shumë filma horror, kanë zakonisht një mjegull të dendur gjatë një hëne të plotë. Por shumë rrallë Halloëeen-i përkosn me një hënë të plotë. Rasti më i fundit ishte në vitin 2001. Dhe herën e ardhshme, parashikohet të jetë në vitin 2020. Sipas shtrigave, gjatë kësaj faze të ciklit hënor, magjia supozohet se është më e fuqishme se kurrë më parë.

Varrezat

Një legjendë urbane, thotë se duhet të mbani frymën sa herë që kaloni nëpër varreza. Nëse nuk e bëni këtë, mund të zgjoni ndonjë shpirt, duke e xhelozuar atë. Lidhja simbolike midis frymës, jetës dhe shpirtrave ka ekzistuar që nga fillimi i mendimit njerëzor. Në Bibël, Zoti krijoi njerëzimin, duke i dhënë frymë jete Adamit.

E premtja e datës 13-të

Numri 13, është cilësuar si i mallkuar edhe që nga qytetërimet më të hershme. Egjiptianët e lidhnin këtë numër me botën e përtejme. Por origjina e të premtes së datës 13, mund të gjurmohet më 13 tetor 1307, kur mbreti francez Filipi IV, urdhëroi arrestimin e të gjithë anëtarëve të urdhrit të Kalorësve Templarë. Mbi 100 prej tyre, u ekzekutuan me vdekje.

Merimangat

Për shkak të aftësisë së tyre për të endur rrjeta, legjendat popullore i përshkruajnë shpesh merimangat si treguese të fatit. Merimangat supozohet se i ndihmonin shtrigat në realizimin e magjive. Dhe konsumi i një merimangë të zezë me 2 feta bukë, u jepte shtrigave një fuqi

të madhe. Sidoqoftë, bestytnitë mesjetare thonë që nëse shihni një merimangë natën e Halloween-it, ajo në është në fakt shpirti i një njeriu të dashur që ka vdekur, dhe që po ju viziton./Msn.com/ Përshtatur nga CNA.al

Lajmet e fundit nga