LEXO PA REKLAMA!

SHKARKO APP

Tragjedia e Diego Armando Maradonës

30 Tetor 2019, 08:40, Blog CNA
Tragjedia e Diego Armando Maradonës

Nga Ryu Spaeth ?New Republic?

* Ka pasur gjithmonë një lloj ?prekje hyjnore? tek Diego Armando Maradona. Megjithë dopingun, drogën, rrëshqitjen e ngadaltë drejt një jete të shturrur, një atmosferë mbinatyrale e shoqëron ende imazhin tonë për të. Edhe tani, më shumë se 3 dekada më pas, dy golat e tij më të famshëm kundër Anglisë në çerekfinalen e Botërorit të 1986-ës në Meksikë, nuk kanë humbur asgjë nga fuqia e tyre mitike.

Ai e quajti golin e parë ?Dora e Zotit?, edhe pse ishte një gjest i pandershëm i Maradonës. I dyti nuk ka një emër. Ai dribloi disa lojtarë anglezë, dhe topi më pas u preh në rrjetë. Ai ishte pabesueshmërisht shumë superior ndaj kundërshtarëve. Komentatori sportiv argjentinas Viktor Morales, do të pyeste:Maradona, nga cili planet vjen??.

Maradona është në qendër të një dokumentari të ri të televizionit HBO, Diego Maradona, me regji të Azif Kapadia. Prej tij mësohet se si në fushën e blertës, ashtu edhe jashtë saj, ai është shumë njerëzor. Në këndvështrimin e Kapadias, Maradona është hyjnor, pikërisht sepse është njerëzor.

Ai luajti në një epokë, kur sportistët e famshëm ishin ende prej mishi dhe gjaku, dhe jo vegla të marketingut që karakterizojnë sot futbollin profesionist. Në vitin 1984, Maradona, i cilësuar tashmë si lojtari më i mirë në botë, largohet nga Barcelona, ??një nga klubet më të mira në botë, për të shkuar tek skuadra italiane e Napolit.

Maradona u largua nga Barcelona, për shkak të disa dëmtimeve të njëpasnjëshme, por edhe skandaleve. Në ato kohë kishte shumë insinuata se Napoli – një ekip më i varfër në financa se fqinjët e tij veriorë, Juventus, Milan, dhe Inter, ishte më i përshtatshëm nga ana kulturore, për një djalë që ishte rritur në lagjet e varfra të Buenos Airesit.

Dhe në fakt tifozët e skuadrave veriore, shkruajnë nëpër banderola për Napolin:?Je turpi i Italisë!?. ?Në atë kohë, unë ndihesha sikur përfaqësoja një pjesë të Italisë, e cila diskriminohej?- shprehet Maradona për Kapadian, teksa zëri i tij shoqërohet me pamje arkivore, disa prej të cilave janë pjesë e koleksionit privat të Maradonës.

Në Napoli, ai mbeti për shumë kohë një kampion i popullit. Portreti i tij gjenej i varur në muret e shumë shtëpive napolitane, ngjitur me portretet e Jezu Krishtit. Diego ishte ende si një adoleshent i zhgënjyer, të cilit sapo i ishin dhënë çelësat e një apartamenti të ri.

Në konferencën e tij të parë për mediat si një lojtar i Napolit, kur një gazetar e pyeti se çfarë di mbi mafian napolitane, Kamora, që ka një ndikim të panjohur por padyshim domethënës mbi klubin, ai habitet dhe ngre supet. Megjithtë më vonë miqësohet me udhëheqësit e Kamorës, duke fituar edhe mbrojtjen e tyre, por kjo vetëm për t?u argëtuar.

?E gjitha më ngjante me filmin e famshëm ?Untouchables? (Të paprekshmit) dhe Al Kaponen?-i thotë ai Kapadias. Ai qëndronte shpesh me ultrasit e Napolit. Shoqërohej me shumë femra, shkonte në shumë festa. Më në fund mbërriti edhe suksesi. I pari është Kupa e Botës e vitit 1986, në të cilën ai gati i vetëm e udhëhoqi Argjentinën drejt triumfit.

Pastaj, vitin tjetër, ndodh ajo që cilësohet edhe më e pamundur:Napoli fiton për herë të parë kampionatin italian, duke mposhtur rivalët e tij të veriut, dhe të gjithë ata që e urrenin. Maradona u shndërrua në një legjendë.

Por jeta e tij rrjedh shpejt. Pas suksesit dehës, rritet shumë hendeku midis ?Diegos? (fëmijës pa fëmijëri) dhe ?Maradonës? (legjendës së gjallë). Ai bëhet i ndërvarur nga kokaina. Loja e tij lë për të dëshiruar. Megjithëse Argjentina arrin në finalen e Kupës së Botës së vitit 1990 në Itali, Maradona ka një performancë të dobët.

Rënia nga lavdia, mishërohet nga fitorja e Argjentinës në gjysmëfinale kundër ekipit italian, pas së cilës në çdo qytet, madje edhe në Napoli turma të tëra i fishkëllenin kur e shihnin. Ndërsa ai nuk ua përtonte:?Ju jeni bij kurvash!?. Pas këtyre episodeve, ai nuk ishte më i mirëpritur në Itali.

Gazetat i bëjnë jehonë skandaleve të tij:?Maradona është një narkoman?, ?Maradona shkon me prostituta?.

Ai humbet mbrojtjen e Kamorrës dhe ultrasve të Napolit, dhe nis të ketë probleme me drejtësinë. Maradona preku në atë kohë fundin, i braktisur thuajse nga të gjithë. Kjo ishte në dukje një histori klasike, paralajmëruese e një kulture, që krijon dhe më pas shkatërron idhullin e vet./ Përshtatur nga CNA.al

Lajmet e fundit nga