web counter
LEXO PA REKLAMA!

SHKARKO APP

App Store
Google Play

Drejtësia në kaos/ Ish-ministri apel qeverisë: Të shtohen anëtarët e komisionit të Vettingut

31 Tetor 2019, 14:01, Politikë CNA

Që Vettingu të mbarojë më shpejt, qeveria duhet të shtojë anëtarët e Komisionit.

Kështu ka deklaruar sot ish-ministri i Drejtësisë, Eduard Halimi, i cili theksoi se me këto ritme, vetting-u mbaron për 10 vjet dhe po nuk e kaluan vetting-un, kandidatët nuk shkojnë dot në Gjykatë Kushtetuese.

I ftuar në A2 CNN, Halimi tha se ?Kandidatët për SPAK dhe Gjykatën e Lartë duhet t?i kenë kaluar të dyja fazat e vetting-ut. KED nuk ka 18 kandidatë për 6 vende për t?i propozuar Parlamentit dhe Presidentit. Në Gjykatën e Lartë janë 19 vende vakante. Problem është gjetja e kandidatëve dhe më pas që këto të kalojnë vetting-un në të dyja shkallët. Me këto ritme, vetting-u mbaron për 10 vjet dhe po nuk e kaluan vetting-un, kandidatët nuk shkojnë dot në Gjykatë Kushtetuese. Ndërkohë që duhet të ecet me një listë prioritare për Gjykatën Kushtetuese fillimisht, në mënyrë që Gjykata Kushtetuese të formohet sa më shpejt. Gjithashtu, anëtarët e vetting-ut të shtohen në numër?.

Më tej, ai theksoi se ?Vetting-u duhet të mbarojë shpejt që t?i jepet fund kaosit. Më pas, ngrihen institucionet e reja. Qeveria duhet të mbështesë më fort komisionet e vetting-ut dhe duke shtuar numrin, përfundojnë shpejt dosjet?, shtoi Halimi.

Sipas tij, me ritmet e tanishmë ?në 14 nëntor nuk bëhet fjalë të kemi Gjykatë Kushtetuese?.





Lajmet e fundit nga