web counter
LEXO PA REKLAMA!

SHKARKO APP

App Store
Google Play

Debatet në mbledhjen e PS/ Klotilda Ferhati tregon çfarë do të ndodhë me bashkinë e Shkodrës

31 Tetor 2019, 14:00, Politikë CNA

Deputetja e Partisë Socialiste, Klotilda Ferhati ka komentuar mbledhjen që PS-ja ka zhvilluar në qarkun e Shkodrës.

Përsa i përket debateve gjatë mbledhjes, Ferhati tha se në çdo familje ka debate, ndërsa shtoi se kjo qasje i shërben demokracisë brenda vetë partisë.

?Mbledhja ka qenë posaçërisht e organizuar në kuadër të procesit zgjedhor që po ndodh në PS. Aty ku mora pjesë unë ka qenë një mbledhje me një frymë bashkëpunimi dhe koordinimi të plotë. Në çdo familje jo të gjithë janë dakord. Nuk mund të themi se nuk kemi debate për çështje të ndryshme. Anëtarët janë të lirshëm të kenë zërin kritik dhe të shprehin mendimet e tyre. Debatet janë të shëndetshme, edhe nëse ka pasur. Të gjithë kanë të drejtë ta shprehin mendimin dhe më pas të përdoret mekanizmi i votës?-tha Fehrati në studion e?Opinion? në News 24.

E pyetur se si do të veprojë PS-ja me bashkinë Shkodër në kohën kur Voltana Ademi e Partisë Demokratike është në krye të saj, Ferhati tha se partia e saj pret caktimin e datës së zgjedhjeve nga ana e Presidentit të Republikës.
?Në bashkinë Shkodër në momenti që flasim vijon detyrën kryetarja Ademi. Do duhet që në Shkodër të caktohet një datë zgjedhjesh. Forumet në Shkodër kanë evoluar një diskutim për këtë çështje, ne presim datën nga presidentin e Republikës për të përmbushur detyrat dhe kompetencat?, theksoi deputetja socialiste.





Lajmet e fundit nga