LEXO PA REKLAMA!

SHKARKO APP

Portreti i ri i Policisë së Shtetit/ Fillon procesi mësimor në Akademinë e Sigurisë

28 Tetor 2019, 14:28, Aktualitet CNA
Portreti i ri i Policisë së Shtetit/ Fillon procesi mësimor

Sot filluan procesin mësimor, për t’u bashkuar në përfundim të tij me radhët e Policisë së Shtetit, 500 kursantë dhe studentë të rinj, prej të cilëve 59 vajza.

Ministri i Brendshëm, Sandër Lleshaj thotë se përmes këtij programi synohet të krijohet një profil i ri profesional.

“Përmes këtij programi intensiv arsimimi dhe trajnimi, Qeveria Shqiptare dhe Ministria e Brendshme synojnë që Policia e Shtetit të arrijë në nivele krejt të reja, të krijojë një profil të ri profesional, të marrë një fizionomi plotësisht europiane, të jetë ekzaktësisht Policia që duam. Një organizatë ekselente, e motivuar, e besueshme, e re, dinamike dhe me integritet të lartë. Që ajo t?i ketë këto tipare, ato duhet që t?i ketë secili prej anëtarëve të saj, secili prej jush. Ne jemi të gjithë të bindur dhe besimplotë që ju do të bëheni bartës dinjitozë të këtyre vlerave, portreti i ri i Policisë së Shtetit shqiptar”, shkruan Lleshaj./CNA.al

Lajmet e fundit nga