Connect with Us

Emrat-Milionerët e Qeverisë/ Qytetarët të zhvatur dhe në varfëri

Aktualitet

Emrat-Milionerët e Qeverisë/ Qytetarët të zhvatur dhe në varfëri

Publikuar

-

qeveria e re Rama3 ne elbasan

Politikanët janë dhe mbeten zhvatësit më të mëdhenj të buxhetit të shtetit.

Shahen, fyhen, nuk kursejnë gratë dhe motrat, ndërkohë që kanë dhe një emërues tjetër të përbashkët strategjinë se si mund të zhvasin më shumë, në emër të popullit.

CNA.al  ka zbardhur pasuritë një pjese të qevritarëve, dhe është ironike dhe njëherësh tejet  e rëndë, kur konstaton që njerëz që jetojnë në luks, kërcasin dhëmbët se poi u dhimbsen qytetarët.

Ndërkohë strategjia e qytetarëve ka qenë dhe mbetet se si të largohen nga vendi, për shkak të këtyre politikanëve.

Ministrat e kabinetit “Rama 2” rezultojnë njëri më i pasur se tjetri, me fëmijët që iu shkollohen jashtë vendit, me veshje të shtrenjta, madje dhe me flokë të blera. Një pjesë prej tyre vetëm intelektin dhe kulturën se kanë blerë dot, sado që maskohen nën veshje të shtrenjta.

Më poshtë po radhisim emrat e disa prej ministrave të “varfër” që na qeverisin.

Zëvendës/kryeministri Erion Braçe

Që prej Dhjetorit 2018, Erion Braçe mban postin e zëvendës/kryeministrit. Braçes, i cili njihet edhe për rebelizmin e tij, vetëm makina ka blerë më shumë 43 500 euro,nëse llogarisim dhe të bashkëshortes. Një ‘WW Golf 6’  që ka blerë në 2010 i ka kushtuar 17 mijë euro dhe një Mercedes Benz,që ka blerë në vitin 2015 i ka kushtuar 26 500 euro. Këtë fundit e ka shitur në 2017, por siç duket, ia ka lehtësuar punën makina zyrtare.

Ministri i Brendshëm, Sandër Lleshaj

Ministrin Sandër Lleshaj, në daljet publike tenton të hiqet autoritar. Por kur vjen puna tek pasuria, duket se s’do t’ia dijë për autoritet.

CNA.al ka raportuar më herët, se Lleshaj, dyshohet të ketë fshehur një vilë që ndodhet në një nga resortet turistike në Gjirin e Lalzit.

Bëhet fjalë për një pasuri, që nuk e gjejmë të deklaruar në formularët e deklarimit ndër vite të administruara nga ILDKPKI.

CNA.al ka publikuar fotot dhe videon e vilës së Lleshajt që me çmimet e tregut në atë zonë kap vlerën prej të paktën 150 mijë euro, por deri më tani Lleshaj ka heshtur.

Në deklaratat e pasurisë vërehet edhe pse ka llogari të konsiderueshme bankare, vajza e tij ka përfituar një bursë 7 500 euro në Gjermani. Në vitin 2013, Lleshaj ka deklarur bursën e vajzës më shumën 2 250 euro, ndërsa në 2014, bursa e vajzës shkon në vlerën 7500 euro.

Ministri i Bujqësisë dhe Zhvillimit Rural, Blendi Çuçi

Blendi Çuçi është një nga ministrat që rezulton i “mbytur” në pasuri.  Ai deklaron një sërë llogarish bankare në emër të tij dhe të gruas.

Çuçi, i cili është i martuar me ish të dashurën e kryeministrit Rama, është aq i “varfër”, sa nuk se në cilin apartament të jetojë.

Në vitin 2013, ai ka deklaruar se ka 2 apartamente, ku është bashkëpronar. Gjithashtu ai ka deklaruar se është bashkëpronar me 50% të Garazh për makinë, me sip.18.37 m2 Tiranë në vlerën prej 23 000 euro. Ai është bashkëpronar me 50% e Tokë Pyll me sip.1000 m2 në Lanabregas, blerë në vitin 2007, në vlerën totale prej 1 400 000 lekë, pronar me 100% i një veture tip “Land Rover Discovery”, blerë në vitin 2010, në vlerën prej 27 000 euro.

Ndërsa në  vitin 2017 Çuçi ka deklaruar llogari bankare, 1.543.874 lekë  depozitë bankare, 543.911 lekë; llogari bankare, 13.755 euro, pagën si ish-ministër, 338.682 lekë, pagën si deputet, 658.185 lekë.

Ai ka deklaruar se bashkëshortja ka llogari në SHBA, 149.151 USD dhe 5.183 USD. Po ashtu bashkëshortja ka deklaruar llogari në bankën “Intesa San Paolo”, 932 USD dhe pagën si drejtoreshë programesh në SHBA, 129.657 USD. Çuçi ka deklaruar dhe llogarinë e djalit, 20.120 USD.

Ministrja e marrëdhënieve me Parlamentin, Elisa Spiropali

Elisa Spiropali, që u vendos në një ministri, që s’’dihet se si u shpik dhe se përse shërben, mban record për gafat.

Adhuruesja e Skënderbeut nban record edhe për pasurinë. Nga bluza me vija të kuqe e dikurshme dhe flokët e pakrehura, sot shohim një Elisë marke, që na sjell botën e e cudirave, sa herë që flet.

Spiropali shtë përfolur se ka një makinë 100 mijë euro dhe një shpi në Lungomare, por në deklaratat e pasurisë së saj, nuk ekzistojnë të tilla prona.

Sipas deklaratës së pasurisë, kur u vendos në krye të Doganave ajo rezulton të kishte burime të ardhurash pagën prej 2 200 lekësh, 15 mijë euro të kursyera si dhe një makinë tip Opel me vlerë 200 mijë lekë.

LEXO EDHE:  Nga fiqtë tek Bashkia e Tiranës/ Veliaj, "brekgrisuri" miliarder

Në vitin 2014, kur kishte kaluar një viti në krye të Doganave ajo ka deklaruar të ardhura nga paga 1 332 mijë lekë. Në kohën që është larguar nga drejtimi i doganave, Spiropali ka deklaruar se ka kursyer në total  2.5 milionë lekë.

Në vitin 2017 ajo është zgjedhur deputete nën siglën e PS dhe në deklaratën fillestare në të njëjtin vit ajo ka deklaruar ka 10 000 euro të kursyera.

Ndërsa bashkëshorti i saj ka deklaruar një shumë rreth 80 000 lekë gjendje nga pagat si dhe 3 000 euro të kursyera, ndërkohë që ka shitur edhe një makinë me vlerë 30 000 euro.
Në media është raportuar se Inspektori i Përgjithshëm,   ka urdhëruar menjëherë fillimin e procedurave të kontrollit të plotë dhe hetimit administrativ për të gjitha deklaratat e interesave private të Elisa Spiropalit.

Ministri i Shtetit për Mbrojtjen e Sipërmarrjen, Eduart Shalsi

Eduart Shalsi është një tjetër ministër që drejton një institucion të shpikur nga hici. Zhvatja e qytetarëve duhettë bëhet në mënyra të ndryshme, ndaj s’ka pasur si të mungonnte dhe një ministri e tillë.

Kujtojmë se në kohën që ishte në Opozitë, Shalsi në një emision televiziv bëri një premtim që la gojëhapur gjithë opinionin publik.

Se pushtetarët vjedhin dhe drejtësia nuk i prek, kjo dihet tashmë, por të pranohet vjedhja më zë dhe figurë, kjo s’kishte ndodhur më herët.

Ai pranoi se do vidhnin por me lezet.

Vetë Shalsi nuk e ka konfirmuar anjëherë, por në media në vitin 2015, u shkrua se Shalsi kishte mbjellë flokët  në një klinikë profesionale, ku vetëm një një fije floku kushtonte 20 euro, ndërsa në total, kostoja kishte shkuar në 60 mijë euro.

Ministrja e Mbrojtjes, Olta Xhaçka

Ministrja Olta Xhaçka nga një aktiviste e “Mjaft’,  për të vijuar më pas  në G-99 e Erion Veliajt, depërtoi me sukses në Partinë Socialiste, madje duke mbajtur pozicione kyçe.

Ajo përfshihet mes zyrtareve me të ardhura vetëm nga paga, pa llogaritur këtu përfitimet që i jep posti.

Në rastin e saj, duket se ka vlejtur shprehja që e dëgjojmë çdo ditë rëndo, “paç një fat të mirë”.

Fjala është për bashkëshortin e saj Artan Gaçi, i cili rezulton i “mbytur” në pasuri. Me pak fjalë edhe ministrja Xhaçka, po vuan nga “varfëria”.

Në deklaratën e vitit 2017, thuhet se bashkëshorti i saj ka blerë godinë me vlerë 945 000 Lekë ose 7 000 Euro në Petrelë (ish mulliri i Fshatit i privatizuar më parë nga një shtetas). Po në të njëjtin vit, bashkëshorti z. Artan Gaci, ka blerë automjet tip Land Rover me vlerë 88 235,29 Euro.

Ministri i Shtetit për Diasporën, Pandeli Majko

Pandeli Majko rezulton ministri më i varfër i Qeverisë Rama, nëse e krahasojmë me të tjerët.

Në vitin 2012 ai ka deklaruar kredi dhe qira banese në vlerën 15 600 euro. Në vitin 2013, pasuria e tij është shtuar me një veturë në vlerën 6 000 euro. Majko ka hyrë në borxhe për të blerë një shtëpi, ndërsa gjatë vitit 2014 ka shitur edhe makinën 2 mijë euro.

Në vitin 2015 ai ka deklaruar pagën si deputet dhe të ardhura nga qiraja e banesës, 1 300 euro në muaj.

Edhe në vitin 2016,deklarata është e njëjtë, ndërsa në vitin 2017 ai ka deklaruar se ka të ardhura me vlerë 456 693 lek nga paga si Ministër i Shtetit për Diasporën, të ardhura neto me vlerë 1 360 euro nga qiraja e banesës, të ardhura me vlerë 700 000 Lek, nga shitja e autoveturës.

Po në vitin 2017 ai ka deklaruar se djali i tij ka blerë me kursimet e prindërve një autoveturë  që kushton 500 000 lekë./ CNA.al

 

 

 

 

 

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Politikë

Kënga Magjike/Zbulohet prezantuesja e netëve finale

Publikuar

-

Nga

Prezantuesi i Këngës Magjike, Ardit Gjebre ka njoftuar se kush do të jetë bashkë prezantuesja e tij në netët finale të spektaklit. Bëhet fjalë për këngëtaren Marsela Çibukaj. Në foton e publikuar në Instagram, Gjebrea e quan këngëtaren artiste.

“Gëzuar! Për prezantimin bashkë të netëve finale të. Kënga Magjike 2021. Marsela Cibukaj mbi të gjitha,  Artiste!”, shkruan Gjebrea./CNA.al

LEXO TE PLOTE

Politikë

‘Rilindja e Krujës’/ Rama publikon videon nga qyteti historik tashmë i transformuar

Publikuar

-

Nga

Rama: Patronazhistët janë garancia e fitores sonë

Në datën e lindjes së Heroit tonë Kombëtar, Gjergj Kastriot Skënderbeut, kryeministri Edi Rama ka postuar një video nga qyteti historik i Krujës. Rama në mbishkrimin e videos shprehet: ‘Rilindja e Krujës’.

Në video shihet transformimi që ka pësuar qyteti dhe një pamje krejt tjetër ka edhe Kalaja e Krujës, pas restaurimeve dhe ndriçimit./CNA.al

LEXO TE PLOTE

Bota

Patentat e vaksinave kundër COVID-19, Gjermania kundër propozimit të SHBA

Publikuar

-

Nga

Patentat e vaksinave kundër COVID-19, Gjermania kundër propozimit të SHBA

Gjermania ka shprehur kundërshtim ndaj propozimit të mbështetur nga SHBA për të hequr dorë nga patentat për vaksinat COVID-19, duke thënë se ato nuk po pengonin prodhimin e dozave.

Qeveria e saj tha se “mbrojtja e pronës intelektuale është një burim inovacioni dhe duhet të mbetet e tillë”. Bashkimi Evropian më herët tha se ishte gati të fliste për propozimin dhe disa shtete i dhanë mbështetjen e tyre të plotë.

Mbështetësit e planit thonë se ai do të lejojë më shumë prodhues të prodhojnë vaksina që shpëtojnë jetën.

LEXO EDHE:  Dasho akuza të forta qeverisë/ ‘Janë mbi 9 mijë vdekje shtesë, për shkak të paaftësisë suaj’

LEXO EDHE:  Dasho akuza të forta qeverisë/ 'Janë mbi 9 mijë vdekje shtesë, për shkak të paaftësisë suaj'

Ata argumentojnë se kjo do të rrisë qasjen në vaksina në vendet e varfra. Por kundërshtarët, përfshirë prodhuesit e ilaçeve, thonë se kjo nismë mund të mos ketë efektin e dëshiruar./euronews

LEXO TE PLOTE