Connect with Us

Hyri në Qeveri dhe i bleu djalit makinë/ Pandeli Majko më i varfëri i Ekzekutivit

Aktualitet

Hyri në Qeveri dhe i bleu djalit makinë/ Pandeli Majko më i varfëri i Ekzekutivit

Publikuar

-

ministri pandeli majko

Ministri i Shtetit për Diasporën, Pandeli Majko,pothuajse i vetmi zyrtar i Qeverisë që  shquhet për mendimin e tij origjinal dhe të pavaruar.

Në mjaft debate, jo pak të nxehta ai ka dalë hapur kundër kryeministrit Edi Rama dhe kolegëve të tij.

Kujtojmë se ai ka dalë kundër Ramën për  shkëmbimin e territoreve mes Kosovës dhe Serbisë.

Majko nuk ka marrë pjesë në votimin e parlamentit për Teatrin Kombëtar.  Përpara se të niste votimi, Majko është larguar nga parlamenti pasi u tha se ka pasur një debat me kryeministrin Rama.

Gjithashtu ai ka dalë edhe kundër idesë për të ngritur kampe refugjatësh në vendin tonë.

Muajin e shkuar Ministri për Diasporën, Majko tha, në studion e Zërit të Amerikës, se kishte rezervat e tij për mënyrën se si kryeministri Edi Rama iu përgjigj këtij televizioni në lidhje me investigimin për blerjen e zgjedhjeve.

Janë të gjitha këto raste, që vërtetojnë se Majko është një zë ndryshe në PS.

CNA.al do të sjellë pasurinë e tij, sipas të dhënave të Open Spending Albania, por pa anashkaluar edhe karrierën e tij.

Karriera e tij politike ka kulmuar në vitet 1998-1999 kur  mori postin e Kryeministrit në Qeverinë e Shqipërisë. Po këtë post e ka mbajtur për 8 muaj edhe në vitin 2002.  Gjithashtu Majko, ka qenë anëtar i Komisionit Parlamentar për hartimin e Kushtetutës shqiptare në Kuvendin e Shqipërisë në vitet 1997 – 1998. Sot është Kryetar i Delegacionit shqiptar në Asamblenë Parlamentare të NATO-s. Ai është zgjedhur deputet i Partisë Socialiste në pesë legjislatura dhe është anëtar i Komisionit për Çështjet Ligjore, Administratën Publike dhe të Drejtat e Njeriut.

Sa i përket pasurisë, Pandeli Majko rezulton ministri më i varfër i Qeverisë Rama.

Në vitin 2012 ai ka deklaruar kredi dhe qira banese në vlerën 15 600 euro. Në vitin 2013, pasuria e tij është shtuar me një veturë në vlerën 6 000 euro. Majko ka hyrë në borxhe për të blerë një shtëpi, ndërsa gjatë vitit 2014 ka shitur edhe makinën 2 mijë euro.

Në vitin 2015 ai ka deklaruar pagën si deputet dhe të ardhura nga qiraja e banesës, 1 300 euro në muaj.

Edhe në vitin 2016,deklarata është e njëjtë, ndërsa në vitin 2017 ai ka deklaruar se ka të ardhura me vlerë 456 693 lek nga paga si Ministër i Shtetit për Diasporën, të ardhura neto me vlerë 1 360 euro nga qiraja e banesës, të ardhura me vlerë 700 000 Lek, nga shitja e autoveturës.

Po në vitin 2017 ai ka deklaruar se djali i tij ka blerë me kursimet e prindërve një autoveturë  që kushton 500 000 lekë.

Deklarata e pasurisë ndër vite

Viti 2012

Paga dhe shpërblime si deputet në vlerën 2 793 434 lekë

Qira banese në vlerën 15 600 euro.

Detyrime të papaguara në vlerën 3 418 956 lekë për një kredi marrë më 16.01.2013 me principal 5 000 000lekë.

Detyrime të papaguara në vlerën 16 630 euro për blerjen e një shtëpie.

LEXO EDHE:  Shkrumbohet nga flakët makina në tunelin e Elbasanit/ Shpëton mrekullisht shoferi

Detyrime të paguara në vlerën -284 524 lekë për një kredi marrë më 16.01.2013 me principal 5 000 000 lekë.

Viti 2013

Paga dhe shpërblime si deputet në vlerën 2 877 009 lekë.

Qira banese në vlerën 15 600 euro.

Detyrime të papaguara në vlerën 3 218 853 lekë për një kredi marrë më 16.01.2013 me principal 5 000 000lekë.

Detyrime të papaguara në vlerën 16 630 euro për blerjen e një shtëpie.

Blerë veturë në vlerën -6 000 euro.

Detyrime të paguara në vlerën -284 524 lekë për një kredi marrë më 16.01.2013 me principal 5 000 000 lekë.

Viti 2014

Të ardhura nga paga si deputet, 2 154 250 lekë.

Të ardhura nga qiraja e banesës së deklaruara për vitet 2010-2014, 58 320 euro.

Të ardhura nga shitja e autoveturës, 2 000 euro.

Kredi bankare, detyrimi financiar i pashlyer 3 044 387 lekë, principali 5 milionë lekë, marrë në 2003.

Detyrim për blerjen e banesës, detyrimi financiar i pashlyer 42 000 euro.

Viti 2015

Të ardhura nga paga dhe shpërblime si deputet, 2 164 532 lekë.

Të ardhura nga qiraja e banesës, 1 300 euro në muaj.

Detyrime të papaguara në vlerën 2 848 517 lekë për një kredi disbursuar më 16.01.2003 me principal 5 000 000 lekë.

Detyrime të paguara në vlerën -2 881 571 lekë për një kredi disbursuar më 16.01.2003 me principal 5 000 000 lekë.

Detyrime të paguara në vlerën -16 630 euro për blerje banese.

Viti 2016

Të ardhura nga paga, përfitimet e tjera financiare dhe bonuset si deputet, 2 154 567 lekë.

Të ardhura nga qiraja e banesës, 1 300 euro në muaj.

Detyrime të papaguara në vlerën 16 630 euro, kësti i tretë i blerjes së banesës.

Shlyer në vitin 2016 -2 848 517 lekë për një kredi disbursuar më 16.01.2003 me principal 5 000 000 lekë. Detyrimi i mbetur më 31 dhjetor është 2 629 594 lekë.

Viti 2017

Të ardhura me vlerë 456 693 Lek nga paga si Ministër i Shtetit për Diasporën, gjatë periudhës Shtator-Dhjetor.

Të ardhura neto me vlerë 1 360 Euro nga qiraja e banesës së deklaruar sipas kontratës me datë 17.01.2018, në bashkëpronësi me bashkëshorten

Të ardhura me vlerë 700 000 Lek, nga shitja e autoveturës sipas kontratës me datë 22.12.2017.

Bashkëshortja, gjendje llogari rrjedhëse me vlerë 400 Euro në Bankën Credins, për depozitimin e të ardhurave që vijnë nga qiradhënia e apartamentit në bashkëpronësi me bashkëshortin.

Bashkëshortja, gjendje llogari rrjedhëse me vlerë 700 000 Lek në Bankën Kombëtare Tregtare, për derdhjen e shumës të përftuar nga shitja e autoveturës të bashkëshortit.

I biri, pagesë me vlerë 500 000 Lek për blerjen e një autoveture me kursimet e prindërve, sipas kontratës me datë 28.07.2017.

Shlyer shuma prej 2 331,667 Lek për kredinë me vlerë 5 000 000 Lek të disbursuar në datë 16.01.2003./CNA.al

 

 

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Aktualitet

Këshilla-Si të mbroni veten dhe familjen tuaj nga tërmetet

Publikuar

-

Për dallim nga llojet e tjera të fatkeqësive natyrore, tërmetet mund të ndodhin në çdo kohë, pa ndonjë njoftim. Të jesh i përgatitur për një tërmet do të bëjë ndryshimin në aftësinë për të mbrojtur veten, familjen ose shtëpinë tënde në rast të tërmetit. Vazhdoni të lexoni për të mësuar se si të përgatisni shtëpinë dhe familjen tuaj për një tërmet, si dhe çfarë të bëni gjatë dhe pas tërmetit për të qëndruar të sigurt.

Çfarë të bëni gjatë një tërmeti

Tërmetet mund të godasin krejt papritur dhe pa paralajmërim. E rëndësishme është që që në dridhjen e parë të merrni masa mbrojtëse.

Gjeni strehë në vendin më të afërt

Nëse ndodheni jashtë, gjeni strehë ku të mundeni por mos u fusni brenda.

Nëse jeni në zyrë a shtëpi, gjeni strehë në një vend të sigurt ku të jeni të mbrojtur nga gjërat që bien.

Mos lëvizni prej andej deri sa tërmeti të ketë ndalur.

Strehohu, mbulohu dhe mbahu fort

Që në goditjen e parë futuni nën një mobilje siç mund të jetë tavolina dhe qëndroni aty.

LEXO EDHE:  Britani: Ballafaqimi i parë Cameron – Corbyn

LEXO EDHE:  ONM “djeg” Donika Prelën/ Karriera e saj në pikëpyetje

Mos u fusni poshtë krevatëve apo dollapëve të lartë që mund të shemben.

Mbuloni kokën dhe sytë mbajini mbuluar për t’u mbrojtur nga objektet fluturuese ose ato që bien.

Me njërën dorë mbuloni kokën dhe me tjetrën mund të mbaheni në një cep të mobiljes nën të cilën jeni strehuar.

Nëse mobilja lëviz, lëvizni bashkë me të.

Qëndroni nën të deri sa të jeni të sigurtë që goditjet kanë mbaruar.

Nëse nuk qëndroni dot nën pragun e derës apo nën një mobile, qëndroni pranë një shtylle të brendshme të shtëpisë dhe mbroni kokën dhe qafën.

Pragu i Derës

Pragu i derës është një nga më të fortat e të gjithë pallatit apo godinës.

Në prag duhet të përpiqeni të mbani këmbët hapur për të ruajtur ekuilibrin, të mbështeteni në njërën anë dhe me krahë të mbani fort derën./

CNA.al

SHPERNDAJE KETE MATERIAL INFORMUES

LEXO TE PLOTE

Aktualitet

Termet i frikshem ne Shqiperi

Publikuar

-

Nga

Nje termet 5.8 balle ka goditur Shqiperine 32 km larg Tiranes, ne detin Adriatik.

Njoftohen deme materiale dhe panik tek njerzit qe kane dale ne rruget e Tiranes.

Lekundjet jane ndjere te forta  ne Tirane, Elbasan, Durres. Korce, Fier etj…

Njoftohen deme materiale…vijon

LEXO TE PLOTE

Aktualitet

Provokimi i Mustafa Nanos: Duhet të jemi më racionalë me Enver Hoxhën

Publikuar

-

Nga

Këtë verë, libri i Isuf Kalos “Blloku” ka bërë jehonë të madhe. Libri është një dëshmi e njeriut, i cili ka qenë pranë ish-diktatorit Enver Hoxha për vite me radhë, duke qenë se ishte doktori i tij personal. Megjithatë, “Blloku” i Kalos ka marrë shumë kritika.

Në monologun e kësaj të premteje në emisionin “Provokacija”, gazetari Mustafa Nano ndalet pikërisht tek ky libër. Ai thotë se mënyra se si Isuf Kalo ka folur për Enver Hoxhën është e pakuptueshme dhe e pafalshme për shumë njerëz.

 

 

Sipas tij, Kalo e ka nxjerrë diktatorin si tepër human, baba të devotshëm, bashkëshort të mirë dhe si një politikan serioz. Edhe pse ka një mendim tjetër për Enver Hoxhën, Nano thotë se “Blloku” është një dokument historik i rëndësishëm, për të cilin në të ardhmen shumë njerëz do jenë të kënaqur që ekziston.

“Më duhet të them se as mua nuk më puqet Enver Hoxha i Kalos me Enver Hoxhën që unë njoh. E megjithatë nuk jam dakord me ata që sulmojnë Isuf Kalon. Blloku i tij mund të ketë provokuar shumë vetë, ndoshta ndokënd edhe mund ta ketë lënduar por, përtej të gjitha shijeve e ndjesive individuale, ky libër është një dëshmi interesante për kohët e komunizmit. Pas 50 vjetësh askush nuk do të kujtohet ta sulmojë Isufin për anëmbajtje apo empati për të ligun. Të gjithë do jenë të kënaqur që kjo dëshmi është dhënë. E që është dhënë në mënyrë të sinqertë. Blloku është një dokument historik i rëndësishëm”, thotë Nano.

Por moderatori i “Provokacijas” thotë se ka bërë edhe një vëzhgim të fundit. Sipas tij, tashmë që jemi 30 vite pas përmbysjes së komunizmit, duhet ta gjykojmë në mënyrë më racionale diktatorin Enxer Hoxha.

Sipas tij, nuk duhen thënë thënë deklarata të panevojshme që e shndërrojnë figurën e Hoxhës si bartës të të gjitha të këqijave dhe veseve të botës.

Nano merr shembull librin e Ylljet Aliçkës në librin e tij më të fundit, ku thuhet se një grua e dënuar me vdekje u fut e gjallë në dhé. Kur fshatarët i bënë gropën u lemerisën teksa dëgjonin rënkime të dala nga thellësia e tokës.

Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai, thotë Nano.

 “Kam vënë re që ca e ca vijojnë të flasin për Enver Hoxhën ashtu si kanë folur një ditë pas përmbysjes së regjimit të tij, domethënë duke shtënë në punë veç mllef, urrejtje, neveri, apo ku di unë. Kur bëhet ky diskutim, njerëz të tillë, që rëndom kanë edhe përvoja personale vuajtjesh e persekucioni, përpiqen ta likujdojnë Enver Hoxhën si personazh të historisë thjesht duke thënë se ai ishte një maskara, qen e bir qeni, një armik i popullit të vet, një tradhtar, etj, etj. Unë mendoj se 30 vjet pas rënies së komunizmit mund të jemi pak më racionalë. Dhe të jesh racional nuk do të thotë të mohosh që ai ka qenë një diktator. Jo, kjo gjë tanimë është e dokumentuar. Edhe komunisti më budalla, thellë-thellë, bie dakord se Enver Hoxha ishte një diktator.

Të jesh racional do të thotë të mos thuash mufka që synojnë panevojshmërisht ta shndërrojnë figurën e Hoxhës nga katran në katran me bojë, që e nxjerrin atë si bartës të gjithë të këqijave apo veseve të botës, që e nxjerrin atë edhe pervers, pedofil, manjak seksual, vrasës manjak. Ah, se harrova, edhe homoseksual. Sepse dihet se çfarë mendojnë shqiptarët për një homoseksual.

Të jesh racional është edhe të mos thuash, siç thotë Ylljet Aliçka në një libër që sapo e ka publikuar, që një grua u dënua me vdekje thjesht se Enver Hoxha donte ta kishte si të dashur dhe se ajo i tha “jo”. Për këtë “krim”, ajo u fut në dhé e gjallë. Madje, fshatarët e zonës, ku kësaj gruaje i bënë gropën, u lemerisën teksa dëgjonin ca rënkime të dala nga thellësia e tokës, që ishin rënkimet e kësaj gruaje duke dhënë shpirt. Tani, gjatë regjimit të Enver Hoxhës ka pasur pa fund drama e tragjedira humane. Kjo nuk diskutohet, siç nuk diskutohet që fajtori kryesor për ato ka qenë Enver Hoxha. Ne mund të stisim edhe tragjedira të tjera në një roman fiction. Por mund t’i vëmë pak fré fantazisë dreqi ta hajë! Një njeri që futet i gjallë nën dhé nuk ka se si të rënkojë. Aq më pak ka gjasa që rënkimet e saj të jenë dëgjuar nga fshatarët e lemerisur. Sepse do të ketë dhënë shpirt shumë kohë para se toga e varrmihësve apo xhelatëve të kenë mbledhur rraqet e të jenë larguar. Le ta themi copë: Përshkrime të tilla na ndihmojnë të nxjerrim dufin ndaj diktatorit, por nuk na ndihmojnë për të kuptuar se kush ishte në të vërtetë ai”, u shpreh moderatori i “Provokacijas”./abcnews.al

LEXO EDHE:  Britani: Ballafaqimi i parë Cameron – Corbyn

LEXO EDHE:  Protesta e studentëve/ Rama: Është një moment i artë, duhet …

 

LEXO TE PLOTE
Lajme të Rekomanduara: