web counter
LEXO PA REKLAMA!

SHKARKO APP

App Store
Google Play

Shkarkimi i Drejtoreshës së Tatimeve/ Gazetari "shuplakë" Qeverisë

3 Prill 2019, 12:59, Aktualitet CNA

Gazetari Klodian Tomori ka kritikuar vendimin  për largimin e Drejtoreshës së Tatimeve, Vasilika Vjero.

Sipas Tomnorit, Administrata tatimore është një nga institucionet më të mira që ka Shqipëria dhe se Fondi Monetar thotë se në tre vitet e fundit, tatimet kanë pësuar ndryshim rrënjësor, falë aftësisë së ekipit drejtues dhe mbështetjes së fortë nga Ministria e Financave.

“Të ardhurat tatimore janë rritur nga 23.8 për qind e PBB-së që ishin në dhjetor të 2015-ës në 26 për qind vitin e kaluar. Pa masa fiskale shtesë, pra pa rritje taksash.  Tatimet përballuan me sukses vitin e kaluar futjen e 13 mijë bizneseve të reja në skemën e tvsh-së, që ishte një sfidë e jashtëzakonshme.  Ça bën kryeministri? Heq drejtoreshën e Tatimeve, për të cilën FMN thotë se është një nga menaxheret më të mira që ka patur administrata fiskale”, ka shkruar Tomori.

Sipas tij, të gjitha problemet madhore që ka sistemi tatimor sot, vonesat në rimbursim, rënia e të ardhurave dhe procedurat komplekse janë pasoja e vendimeve të qeverisë.

“Taksat shokëve strategjike të turizmit i hoqi qeveria jo tatimet. Biznesin e vogël në tvsh, që rriti barrën administrative për administratën dhe vetë biznesin pa sjellë të ardhura shtesë, e futi qeveria dhe jo Tatimet.

Detyrimet e prapambetura të tvsh-së i ka krijuar qeveria dhe jo tatimet. Ja kështu funksionon Shqipëria. Këtu duhet të punosh keq, që të hash bukë në shtet”, ka shkruar më tej ai./CNA.al





Lajmet e fundit nga