web counter
LEXO PA REKLAMA!

SHKARKO APP

App Store
Google Play

Rama "fshin" PD dhe LSI/ Dy siglat do i çojmë për skrap

3 Prill 2019, 10:10, Aktualitet CNA

Kryeministri Edi Rama, edhe njëherë ka ripërsëritur se nuk do të ketë marrëveshje me Opozitën.

Sipas Ramës, ata mund të kenë ende shpresë se këtu do vijnë nga qielli negociatorë edhe do na ulin në tavolinë dhe do na thonë hë tani djema si do ta normalizoni këtë punë.

“Ka vetëm një normalizim të mundshëm, të nevojshëm, të domosdoshëm, mbyllja e kapitullit 30 vjet unë po iki po s?më thirre.  Unë nuk rri po s?më dhe atë që dua, unë po bëj këtë po s?më bërë atë. Ky kapitull do mbyllet tani, është koha për ta mbyllur. Çdo parti politike kur vjen në Kuvend duhet ta mendojë mirë. Vjen në opozitë është në opozitë, nuk ka xinxri-finxri jo jam në opozitë por e dua pushtetin të nesërmen e betimit se dua zgjedhje të parakohshme”, ka thënë Rama.

Më tej kryeministri ka thënë se Opozita duhet të ketë një gjë të qartë.  “PSSH e ka mision historik sot, të mbyllë këtë kapitull të gjatë zvarritjesh në histori jo po ulemi, jo po negociojmë, jo po të vijë mediatori, jo po të thërrasim këtë, jo po të marrim dy ambasadorë? Nuk ka më të tilla. Ka kushtetutë, ka mandat, ka ligj. Ne nuk e kemi marrë mandatin për të negociuar përpara se sa të vijnë zgjedhjet e vitit 2021.  Ka apo s?ka zgjedhje të parakohshme këtë gjë kurrë nuk mund ta përcaktojë shantazhi, kërcënimi dhe asnjë lloj negocimi, zero”, është shprehur Rama nga foltorja e Kuvendit.

Rama i ka bërë apel Opozitës së Re, duke i paralajmëruar se siglat e PD dhe lsi do ti çojë për skrap.

|Bëni mirë të ndaheni një orë e më para nga ta jo thjesht kush është brenda, kush është jashtë por t?i jepni Shqipërisë një zgjidhje tjetër që të ketë një mundësi tjetër se ato dy sigla ne do i çojmë për skrap. Kaq po ju them?, ka thënë Rama./CNA.al





Lajmet e fundit nga