LEXO PA REKLAMA!

SHKARKO APP

Si gënjeu Basha për mediat/ Dy fytyrat e Lulit

29 Mars 2019, 14:16, Aktualitet CNA
Si gënjeu Basha për mediat/ Dy fytyrat e Lulit

Kryetari i Partisë Demokratike, Lulzim Basha gjatë fjalës së tij në tryezën me titull ?Liria e medias në funksion të mbrojtjes së demokracisë?, ka thënë se në aktivitetet e tij dhe të partisë që drejton nuk ka dhe nuk do të ketë asnjë kufizim për mediat.

?Në dijeninë time askush nuk ka penguar ndjekjen e aktiviteteve të opozitës, por nëqoftëse është kështu, le ta bëj reflektimin sot dhe publikisht para të gjithëve. Absolutisht, në asnjë aktivitet publik timin si kryetar i opozitës, apo të bashkëpunëtorëve të mi, nuk ka për të pasur asnjë kufizim të pranisë mediatike.?-tha Basha.

Por, Lulzim Basha, apo stafi i tij, është një censurues, duke filluar nga Elona, Desadërat, Odetërat, kunetërit, etj, të cilët prej kohësh kanë vendosur censurë dhe sulm ndaj CNA.al.

Ne nuk jemi agjencia kryesore e lajmeve në vend, por ne jemi një media prej disa vitesh në treg që kemi denoncuar me dhjetëra e dhjetëra skandale qeveritare, për të cilat ka dalë në disa konferenca dhe i ka përdorur edhe si kauza publike Lulzim Basha. Ka shkuar edhe deri në protesta nga denoncimet tona, por prej disa kohësh për shkak të qejfeve të disa punonjësve apo inateve personale dhe bajate, CNA.al i vendoset censurë.

Asnjë nga lajmet dhe informacionet nuk vjen në kohë reale. Për më tepër, të vetmet informacione që ne marrim dhe sigurojmë janë ato nga burimet tona konfidenciale dhe ato që vijnë me e-mail.

CNA.al është përjashtuar nga njoftimet në kohë reale, nuk njoftohet për asnjë aktivitet, konferencë apo qëndrim.

Kjo mesa duket për shkak të forcës tonë kritike që kemi ndaj kreut të PD-së, por edhe atyre që e rrethojnë. Prandaj edhe sot Basha është kapur duke bërë ritin e tij të zakonshëm, që tjetër bën e tjetër thotë./CNA.al

Premtimi i Bashës për mediat/ Asnjë kufizim te PD

Lajmet e fundit nga