E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Pse në Partinë Monokratike të Bashës s'ka vend për demokratët?!

21 Prill 2018, 10:13, Aktualitet CNA

Në një lëvizje përçarëse, në një akt që vulosi përfundimisht ndarjen e Partisë Demokratike, Lulzim Basha dje firmosi atë që mund të quhet partia e tij Monokratike.

Lulzim Basha dje me dy veprime, duke mos lejuar analizën për humbjet e vazhdueshme në zgjedhje dhe situatën në Partinë Demokratike, si dhe duke bllokuar fjalën e lirë, duke mos lënë asnjë anëtar të Këshillit Kombëtar të flasë dhe të thotë vendimin e tij, por pa lënë menjëanë edhe veprimet e tij me ndryshimet statutore, Basha vulosi përfundimisht partinë e tij Monokratike, në të cilën nuk ka vend për demokratët.

U vetshpall kryetar i përjetshëm i partisë, pra në çdo rast dhe në çdo humbje zgjedhjesh ka të drejtë të mos dorëhiqet, të rrijë në detyrë, të ngrijë, të shkrijë, të rikandidojë dhe të rizgjidhet.

I rrethuar nga një tufë servilësh dhe njerëzish të paaftë të cilët, të cilët janë po aq përgjegjës sa dhe vetë Basha për humbjet në zgjedhje të Partisë Demokratike, Luli dje eci përpara duke u ndarë përfundimisht nga demokratët. Në Partinë Demokratike nuk ka vend, për demokratët, këtë Basha e firmosi dhe vulosi jo vetëm dje, por e ka bërë me të gjitha veprimet që ditën e parë për gati 5 vite në detyrë si kryetar i PD-së.

Ai u premtoi demokratëve një Parti Demokratike të hapur, por nuk e bëri të tillë, e mbylli, humbi disa herë rresht dhe nuk dha kurrë dorëheqjen. Ai u premtoi se brenda 4 viteve do ta sillte PD-në në pushtet, nuk e bëri, shkoi humbi turpshëm dhe nuk dha kurrë dorëheqjen, për më tepër nuk e riorganizoi dhe nuk e ringriti dot partinë. Basha premtoi se do të ishte ndryshe, do ishte një lider mbi palët dhe do ta bashkonte PD-në, po nuk bëri asgjë tjetër thjeshtë dhe vetëm në 5 vite ka përçarë për interesa krejtësisht personale.

Premtoi gjithashtu se do të bënte një parti ku do të kishte vend për të gjitha kontributet. Në fakt ai po ndërton një parti për interesa të vjehrrit dhe të kunatit ku vete ulet në pazar me Edi Ramën për 16 milionë euro të një pallati në Vlorë, apo për të shitur mandate deputetësh.

Lulzim Basha në fakt i dëboi dje demokratët me aktin e tij të fundit, pasi ju kishte premtuar se do të ndërtonte dhe rindërtonte një Parti Demokratike shumë të fortë, por nuk bëri asgjë tjetër, i zhduku siglën, i zhduku simbolet dhe shpalli Republikën e tij të Re, e cila ishte partia e Bashës që shkoi dhe humbi turpësisht në zgjedhje me një listë kandidatësh për deputetë e cila nuk do t’i shkonte jo vetëm Partisë Demokratike, por edhe partisë së Hysni Milloshit që e bëri dikur Lulzim Bashën kryebashkiak të Tiranës.

Në PD duke se nuk ka më vend për demokratët pasi Lulzim Basha me veprimet e tij të paktën këto 5 vite ka nxitur një ndarje dhe urrejtje të thellë brenda struktuarave të PD-së, jo vetëm politike, por edhe fetare në shumë raste.

Lulzim Basha me veprimet e tij dhe me të gjitha lëvizjet dhe aktet politike që kryen ka dëbuar demokratët dhe ata nuk kanë më vend në PD. I ka dëbuar, braktisur dhe tradhëtuar, kur shkon në pazare me Edi Ramën, kur u zhduk siglën, kur nuk i lë të flasin, ku u nxit ndasi fetare brenda në struktura, ku u bën thirrje që të shkojnë të protestojnë, e më pas i shet tek Edi Rama dhe i tradhëton pas krahëve.

Lulzim Basha është njeriu i cili i dëboi demokratët dhe për demokratët nuk ka më vend në PD sepse ajo nuk është më Partia Demokratike e themeluar në dhjetorin e ’90, por është partia monokratike e Lulzim Bashës, familjes së tij dhe interesave klienteliste dhe korruptive që ai ka. /CNA.al