LEXO PA REKLAMA!

SHKARKO APP

Manastirliu inspekton qendrën shëndetësore të Roskovecit: Këtë vit rehabilitojmë 80 Qendra

21 Prill 2018, 09:55, Aktualitet CNA
Manastirliu inspekton qendrën shëndetësore të Roskovecit:

Ministrja e Shëndetësisë dhe Mbrojtjes Sociale Ogerta Manastirliu inspektoi punimet në qendrën shëndetësore të Roskovecit, e cila po rikonstruktohet tërësisht.

?Jemi sot në Qendrën Shëndetësore të Roskovecit, e cila ju shërben 37 mijë banorëve të kësaj zone dhe shumë shpejt do të shndërrohet në qendër model të shërbimit parësor 24 orësh, falë bashkëpunimit të qeverisë shqiptare me qeverinë zviceriane nëpërmjet projektit Shëndet për të Gjithë?, tha Ministrja Manastirliu.

Veç ndryshimit rrënjësor të infrastrukturës, mjekët janë trajnuar dhe pajisur me ?çantën e mjekut? e cila përmban të gjithë elementet e duhur për të gatantuar ofrimin e urgjencës kudo ku është nevoja. Sipas Ministres Manastirliu, kjo nuk është e vetmja qendër që po rikonstruktohet në qarkun e Fierit, por janë 11 të tilla në Fier, Lushnje dhe Mallakastër. ?Kemi nisur programin kombëtar të rehabilitimit të 300 qendrave shëndetësore në këtë mandat qeverisës, në mënyre që shërbimi për qytetarët të jetë me të njëjtin standart nga veriu në jug. 80 qendrat e para në të gjithë vendin po rehabilitohen këtë vit?, tha Manastirliu./CNA

Lajmet e fundit nga