web counter
LEXO PA REKLAMA!

SHKARKO APP

App Store
Google Play

E fundit!

x

Përplasja e gjyqtarit me kancelaren/ Çfarë ka ndodhur në Vettingun e Bevis Shehajt

25 Tetor 2022, 12:30, Vetingu CNA

Përplasja e gjyqtarit me kancelaren/ Çfarë ka ndodhur në

ILD ka njoftuar sot se ka përfunduar hetimin disiplinor ndaj magjistratit Bevis Shehaj, zv.kryetar i Gjykatës Administrative të Shkallës së Parë Vlorë, i kërkon KLGJ-së nisjen e procedimit disiplinor ndaj tij.

“Inspektori i Lartë i Drejtësisë ka përfunduar hetimin disiplinor ndaj magjistratit Bevis Shehaj, i nisur bazuar në ankesa në vazhdimësi pranë ILD-së nga kancelarja, pasi magjistrati në pozicionin e zv.kryetarit të Gjykatës Administrative të Shkallës së Parë Vlorë, e pengonte në ushtrimin e detyrave ligjore, duke mos lejuar funksionimin normal të gjykatës.  Inspektori i Lartë i Drejtësisë i kërkon KLGJ-së pranimin e kërkesës për fillimin e procedimit disiplinor ndaj gjyqtarit Bevis Shehaj, për shkelje disiplinore të parashikuara nga neni 102, pika 1 shkronjat “g” dhe “gj” të ligjit nr. 96/2016 “Për statusin e gjyqtarëve dhe të prokurorëve në Republikën e Shqipërisë”, i ndryshuar, dhe caktimin e masës disiplinore “Vërejtje publike”.

“Vërejtja publike” përmbush dy qëllime parandaluese: parandalimin e posaçëm, në kuptimin që magjistrati në të ardhmen të mos kryejë më shkelje disiplinore; dhe parandalimin e përgjithshëm, në kuptimin që magjistratët e tjerë, kuptojnë që një sjellje e papërshtatshme nuk duhet kryer, pasi është e ndëshkueshme me masë disiplinore”, thuhet në njoftimin e ILD-së.

Ndërkohë Bevis Shehaj është shkkarkuar nga Vettingu në muajin qershor të këtij viti.

KPK e shkarkoi Shehajn

Komisioni i Pavarur i Kualifikimit ka shkarkuar në muajin qershor nga detyra gjyqtarin e Gjykatës Administrative të Shkallës së Parë Vlorë, Bevis Shehaj.

Kryesuesja e trupës, Valbona Sanxhaktari, sqaroi para shpalljes së vendimit se gjyqtarit Shehaj i ishte dhënë përgjigje më parë për një kërkesë të tij për përfshirjen e të ardhurave të motrës në analizën financiare, ndërsa është rrëzuar një kërkesë tjetër për administrimin e të dhënave nga një kompani celulare.

Pas shpalljes së vendimit, familjarët e gjyqtarit Shehaj të pranishëm në sallë e kundërshtuan me tone të larta vendimmarrjen.

Gjyqtari Bevis Shehaj u përball gjatë dy seancave dëgjimore me konstatimet e Komisionit për vendime të marra në cenim të procesit të rregullt ligjor apo në kushtet e konfliktit të interesit nga gjyqtari Bevis Shehaj. Po ashtu, ai dha shpjegime për çështje të tjera të gjykuara prej tij të denoncuara nga publiku.

Shehaj dha shpjegime dhe për një denoncim për kontakt të papërshtatshëm me xhaxhanë e tij të ndaluar në Itali për mbajtje të lëndëve narkotike. Në seancë u konstatuan gjithashtu balanca negative në vlera të mëdha për pasuritë e krijuara prej prindërve të subjektit, përpara se ky i fund të emërohej si gjyqtar.

Gjyqtari Bevis Shehaj pretendoi se procesi ishte tendencioz dhe kërkoi konfirmimin në detyrë.

Procesi i vetingut për gjyqtarin Bevis Shehaj u krye nga trupa e KPK-së e kryesuar nga Valbona Sanxhaktari, me relator Olsi Komicin dhe anëtare Xhensila Pinen. Në cilësinë e vëzhguesit ndërkombëtar është Tonci Petkovic./CNA.al





Lajmet e fundit nga