web counter
LEXO PA REKLAMA!

SHKARKO APP

App Store
Google Play

E fundit!

x

Kaloi Vettingun me KPK-në e përçarë/ KLP, gati të emërojë kryeprokurorin e Tiranës pa garë

26 Shtator 2022, 09:55, Vetingu CNA

Kaloi Vettingun me KPK-në e përçarë/ KLP, gati të

Me 28 prill 2022, pas një mbledhjeje urgjente, Këshilli i Lartë i Prokurorisë njoftoi se caktoi prokurorin  Arens Çela si drejtues të përkohshëm të Prokurorisë së Tiranës.

Sipas njoftimit, emri i Çelës u propozua nga Komisioni për Zhvillimin e Karrierës dhe u votua unanimisht nga anëtarët e Këshillit të Lartë të Prokurorisë. KLP hapi gjithashtu garën për zgjedhjen e drejtuesit të ri të Prokurorisë së Tiranës.

Por në korridoret e organit të akuzës thuhet se i njëjti ishte propozim i Prokurorit të Përgjithshëm Olsian Çela, i cili nga Krimet e Rënda e mori Arens Çelën në kabinetin e tij.

Kur kanë kaluar 6 muaj nga emërimi si i komanduar apo Ii përkohshëm, KLP është kujtuar ta bëjë të përhershëm.

Në mbledhjen e KLP-së që do të mbahet të enjten me 29 shtator, është parashikuar që të diskutohet dhe të miratohet relacioni “Mbi verifikimin e pasurisë dhe figurës së kandidatit Arens Çela për Drejtues të Prokurorisë pranë Gjykatës së Shkallës së Parë Tiranë.”

Pra, sa për protokoll dhe procedurë, pasi nuk ka një garë të hapur për drejtues të Prokurorisë së Tiranës.

KPK e ndarë për Çelën në Vetting

Kaloi Vettingun me KPK-në e përçarë/ KLP, gati të

Në 23 mars të vitit 2021, Komisioni i Pavarur i Kualifikimit konfirmoi në detyrë prokurorin e Prokurorisë së Përgjithshme Arens Çela.

Trupa gjykuese me kryesuese Pamela Qirko, relatore Firdes Shuli dhe anëtare Xhensila Pine, u nda dhe votoi me shumicë votash për konfirmimin e Çelës, ndërkohë që ndaj tij u referuan në Inspektoriatin e Lartë të Drejtësisë tre çështje për inspektim.

Anëtarja e KPK-së Xhensila Pine ishte kundër konfirmimit në detyrë të prokurorit Çela si për kriterin e pasurisë ashtu dhe për atë të aspektit professional.

Për prokurorin Çela, në KPK janë mbajtur dy seanca dëgjimore publike pas riçeljes së  hetimeve, pasi kishte marrë një denoncim anonim në lidhje me hetimin e një kallëzimi për korrupsion ndaj prokurorit Artan Lulo, gjyqtarëve Sokol Pasho dhe Bedri Qorri dhe një oficeri të policisë gjyqësore.

Ndërkohë, gjatë seancës së parë dëgjimore subjekti u përball me pyetje mbi vendimmarrjen e tij në lidhje me dy çështje të tjera që kishte hetuar.

Njëra çështjet lidhet me një shtetas nga Fushë Kruja, i akuzuar se kishte sulmuar me levë nënën e fëmijëve të tij, pasi ajo e kishte denoncuar për të disatën herë në polici se e dhunonte.

Çela i ka kërkuar gjykatës dënimin e tij për dhunë në familje. Ndryshe nga kërkesa e prokurorit, gjyqtarja e ka riklasifikuar veprën penale në tentative vrasje, duke e dënuar të pandehurin me 22 vite burg. Çështja e dytë lidhej me shoqërimin me forcë të një shtetasi nga policia e Beratit./CNA.al





Lajmet e fundit nga