web counter
LEXO PA REKLAMA!

SHKARKO APP

App Store
Google Play

E fundit!

x

Shkarkohet gjyqtarja e “mostrës” së Laprakës

28 Shtator 2022, 10:28, Vetingu CNA
Shkarkohet gjyqtarja e “mostrës” së Laprakës
Gjyqtarja Shefkie Demiraj

Shkarkohet nga vettingu gjyqtaja e Gjykatës së Shkallës së Parë në Tiranë, Shefkie Demiraj.

Vendimi është marrë nga anëtarët e trupës së Komisionit të Pavarur të Kualifikimit, e përbërë nga Roland Ilia, Pamela Qirko dhe Valbona Sanxhaktari.

Gjyqtarja nuk ka mundur të justifikojë plotësisht me burime të ligjshme të ardhurash një shtëpi tri kate + papafingo në Tiranë, ndërtuar gjatë periudhës 1998-2012, me sipërfaqe rreth 461 m2 dhe me vlerë të deklaruar 20 milionë lekë.

Një tjetër çështje që e ka dërguar Demirajn drejt ‘fundosjes’ është blerja e një automjeti tip "Benz" në vitin 2014, kundrejt çmimit 950 mijë lekë. Komisioni ka konstatuar pamundësi financiare për blerjen e kësaj makine.

Kujtojmë se në vitin 2013, Prokuroria e Tiranës nisi hetimet për gjyqtaren Demiraj për dënimin e vitit 2008 me gjobë 90 mijë lekë ndaj Ardian Prrenjasit për kryerjen e veprës penale “Heqje e paligjshme e lirisë”, parashikuar nga neni 110/1 te K.Penal, pasi ai kishte mbajtur peng të miturin M. A.

Prrenjasi njihet ndryshe si “mostra" i Laprakës.

Në vendimin e saj gjyqtarja pretendonte dënimi ishte i mjaftueshëm për rehabilitimin e 45 vjeçarit dhe nuk ishte i nevojshmë izolimi i tij nga shoqëria.

Pasi ky kishte pranuar krimin, kishte përfituar 1/3 uljen e dënimit duke e çuar dënimin me gjobë në 60 mijë lekë. Por 5 vite më vonë, pasi gjyqtarja Demiraj e rehabilitoi, Ardian Prrenjasi u arrestuar për vrasjen 11 vjeçarit Julian Çela.

Ndërkohë që ishte në liri Prrenjasi rrëmbeu dhe një fëmijë tjetër, dhe në 2004, siç u raportua ne media, i njëjti ka rrëmbyer edhe dy fëmijë të tjerë në Librazhd.

Nuk dihet se çfarë ka ndodhur me hetimet ndaj gjyqtares Demiraj, pasi në 2013 të gjithë institucionet u çuan në këmbë, ndërsa ende sot e kësaj dite nuk dihet fati i Julian Çelës./ B.A. - CNA.al





Lajmet e fundit nga