LEXO PA REKLAMA!

SHKARKO APP

71 magjistratë nën hetim/ Nuk mjafton Vettingu, edhe ILD “mbytet" me denoncime

1 Tetor 2022, 11:20, Vetingu CNA

71 magjistratë nën hetim/ Nuk mjafton Vettingu, edhe ILD

Inspektoriati i Lartë i Drejtësisë gëlon nga denoncimet për gjyqtarë dhe prokurorë.

Vettingu duket se nuk e ka pastruar siç duhet sistemin e drejtësisë, edhe pse janë qindra gjyqtarë dhe prokurorë të shkarkuar.

Ka nga ata që janë në sistem që nuk e marrin parasysh Vettingun ose janë të grupit “kap ç´të kapësh”, siç thotë edhe kryeministri Edi Rama.

Në ILD sipas raporteve të përditshme të këtij institucioni, 71 magjistratë janë nën hetim.

Në total janë 4 837 ankesa të konfirmuara, 2 248 ankesa të trajtuara dhe 2 589 ankesa në proces trajtimi.

Ndërkohë që ILD ka në duar 159 ankesa në proces verifikimi pas trajtimit fillestar dhe 23 kërkesa për procedim disiplinor.

Në raportin e paraqitur në Kuvend nga kreu i ILD-së, Artur Metani, përgjatë muajit korrik të këtij viti, thuhet se shkeljet disiplinore për të cilat, Inspektori i Lartë i Drejtësisë ka nisur hetimin disiplinor, renditen në shkelje disiplinore gjatë dhe jashtë ushtrimit të funksionit si dhe shkelje disiplinore për shkak të kryerjes së veprës penale me vendim të formës së prerë, që sipas natyrës së tyre, diskreditojnë pozitën dhe figurën e magjistratit ose dëmtojnë rëndë besimin e publikut në sistemin gjyqësor ose të prokurorisë, bazuar në faktet dhe rrethanat e pranuara nga gjykata.

Masat disiplinore të propozuara kanë qenë nga vërejtje deri në shkarkim nga detyra.

Nga përfundimi i hetimit disiplinor gjatë vitit 2021, për 21 magjistratë, ILD ka propozuar fillimin e procedimit disiplinor për 17 magjistratë (11 gjyqtarë dhe 6 prokurorë), ose për 81% të rasteve të hetuara, ndërsa për 4 magjistratë ka vendosur mbylljen e hetimit disiplinor./CNA.al

Lajmet e fundit nga