web counter
LEXO PA REKLAMA!

SHKARKO APP

App Store
Google Play

Iu shmang vetting-ut me manovra/ Alfred Balla, sot në KPA

29 Prill 2024, 08:03, Vetingu CNA
Iu shmang vetting-ut me manovra/ Alfred Balla, sot në KPA
Kreu i KLP-së, Alfred Balla

Këtë të hënë do të mbahet seanca për kreun e KLP-së, Alfred Balla, në Kolegjin e Posaçëm të Apelimit.

Alfred Balla do të dalë në orën 10:00 para trupit gjykues pas ankimimit të Komisionerit Publik për përfundimin e vetting-ut nga Komisioni i Pavarur i Kualifikimit.

Kujtojmë se kreu i KLP-së iu shmang procesit të vetting-ut dhe për këtë u ndihmua nga KPK.

Le t’i kujtojmë faktet një nga një, të evidentuara nga Komisioneri Publik.

Alfred Balla iu nënshtrua procesit të rivlerësimit për shkak të ushtrimit të detyrës si ndihmës ligjor në Gjykatën e Lartë deri më 31 korrik të vitit 2017.

Sipas legjislacionit në fuqi, ai ishte subjekt i vetingut për shkak të punës së tij si ndihmës ligjor në Gjykatën e Lartë deri në 31 korrik të 2017-ës dhe duhej t'i nënshtrohej procesit të rivlerësimit.

Për Alfred Ballën pati një “përplasje” mes KPK-së dhe ndërkombëtarëve (OMN). Balla pretendonte se procedura e vetting-ut të tij si këshilltar duhej pushuar pa vendim përfundimtar, pasi ishte shkarkuar nga kreu i Gjykatës së Lartë në korrik 2017.

Vëzhguesit e Operacionit Ndërkombëtar të Monitorimit u shprehën të vendosur që Balla t'i duhet nënshtrohej procesit të rivlerësimit.

Por KPK injoroi ndërkombëtarët dhe pas disa manovrash të Alfred Ballës favorizoi këtë të fundit.

Iu shmang vetting-ut me manovra/ Alfred Balla, sot në KPA

Duhen përmendur këtu manovrat e Ballës me e-maile, padisë në Gjykatën Administrative dhe kërkesës në KLGJ, për njohjen e statusit të Këshilltarit/Ndihmësit jomagjistrat pranë Gjykatës së Lartë.

Procesi i vetting-ut po ndodhte paralelisht me procedin gjyqësor në Gjykatën Administrative të Apelit. Kjo e dyta vendosi në mars 2023 të prishë vendimin e Shkallës së Parë dhe të rrëzojë padinë dhe në shkurt të vitit 2023, kreu aktual i KLP-së hoqi dorë nga padia dhe paraqiti në Këshillin e Lartë Gjyqësor edhe kërkesë për heqje dorë nga njohja/pasja e statusit të Këshilltarit/Ndihmësit ligjor pranë Gjykatës së Lartë.

Pas kësaj, KPK-ja vendosi se Balla nuk ishte më subjekt rivlerësimi dhe mbylli procesin pa vendim përfundimtar.

Dy prej anëtareve në shumicë në KPK, kryesuesja Xhensila Pine dhe relatorja Alma Faskaj arsyetuan se Balla nuk kishte dhënë dorëheqjen dhe se statusin e kishte humbur për shkak se ishte shkarkuar nga kreu i Gjykatës së Lartë në korrik 2017.

Kështu, ata shmangën edhe sanksionin ndaj Ballës që i ndalon emërimin në disa pozicione në sistemin e drejtësisë për 15 vjet, përfshi dhe funksionin që ai mban aktualisht.

Megjithatë, Komisioni Publik nuk ra dakord me këtë vendim dhe vendosi ta ankimojë. Kështu, Balla do duhet të japë llogari për pasurinë, pastërtinë e figurës dhe aftësitë profesionale.

Kujtojmë se CNA ka zbardhur më herët pasurinë e kreut të KLP-së, Alfred Balla, i cili shmangu transparencën duke mos iu nënshtruar vetting-ut./ CNA





Lajmet e fundit nga