E fundit!

20:12 Aktualitet

"Nuk jemi indiferentë, jemi qytetarë"/ Qindra qytetarë në protestën e tretë në Korçë

Qindra qytetarë janë mbledhur për të tretën ditë radhazi n...

Shqipëria mposhtet nga Luksemburgu

6 Qershor 2026, 20:05, Sport CNA

Kombëtarja shqiptare zbret mbrëmjen e kësaj të shtune në fushën e stadiumit “Air Albania” për të zhvilluar ndeshjen e dytë dhe të fundit miqësore të këtij grumbullimi.

Përballë kuqezinjve do të jetë Luksemburgu, si testi i fundit përpara angazhimeve zyrtare.

Skuadra kuqezi e drejtuar nga Rolando Maran vjen në këtë takim pas humbjes 1-0 ndaj Izraelit, ndeshje që përkoi edhe me debutimin e teknikut italian në pankinën e Kombëtares.

SHQIPËRI-LUKSEMBURG 0-1

KOMENTI LIVE:

Mbyllet ndeshja.

85’ – Kundërsulm i Luksemburgut. Miqtë mbajnë topin në zonën e Shqipërisë. Arrijnë të gjuajnë, por topi pritet nga Sherri.

79’ – Broja mban topin në anën e majtë të zonës së Luksemburgut. Pason topin pa një objektiv të qartë, por askush nuk e prek atë, duke shkuar jashtë.

78’- Një top i dhuruar mjaft bukur për Kristian Shpendin, që gjendet në majën e sulmit. Shpendi nuk kontrollon dot topin, që del jashtë. Mirëpo, anësori akordon edhe për pozicion jashtë loje.

75’ – Vazhdon presioni i Shqipërisë në zonën e rreptësisë së Luksemburgut. Hysaj driblon disa kundërshtarë, por në fund humbet topin.

63’ Asllani dhe Hoxha lënë fushën e lojës, duke i bërë vend Pajazitit dhe Brojës.

62’ Sinani provon portën me një gjuajtje në kufijtë e zonës, Sherri është përsëri shpëtimtar.

57’ – Rast për Asllanin. Lojtari i Shqipërisë vë re daljen e pakujdesshme të portierit kundërshtar dhe kërkon të përfitojë. Mirëpo, topi që gjuan përfundon jashtë portës.

55’ – Lojtarët shqiptarë të pakujdesshëm në mbrojtje. Luksemburgu përfiton nga përgjumja e Shqipërisë dhe krijon disa raste. Fatmirësisht, miqtë nuk arrijnë të shfrytëzojnë siç duhet rastet.

51’ Uzuni merr një pasim me telekomandë nga Ajeti dhe i afrohet shumë golit. Në fund anësori ngre flamurin për pozicion jashtë loje.

Starton pjesa e dytë.

Mbyllet pjesa e parë.

43′ Kuqezinjtë i afrohen golit gjatë një goditjeje këndi, më pas gjuajtja e Asllanit shkon larg mbi traversë.

33′ Shqipëria duket pa forcën e duhur në sulm, miqtë tregohen të befasishëm herë pas here.

32’ Asllani ndëshkohet me të verdhë për një faull në mesfushë.

27’ Prej disa minutash kuqezinjtë kanë kontrollin e lojës, duke qarkulluar topin, por pa gjetur hapësirën që të gjuajnë në portë.

19’ Asllani merr përsipër një goditje prej mbi 20 metrash dhe e ekzekuton mjaft bukur, por gardiani i Luksemburgut arrin ta neutralizojë.

8’ – Luksemburgu shtang Shqipërinë në Air Albania. Sulmuesi me origjinë shqiptare Daniel Sinani realizon për mysafirët, duke dërguar shifrat në 0:1. Goli erdhi pas një aksioni në zonë të skuadrës mike.

5’ Duarte ndëshkohet me të verdhë për një faull ndaj Ramadanit.

4’ Laçi jep iluzionin e golit me një gjuajtje në kufijtë e zonës që shkon jashtë ngjitur me shtyllën.

0'- Starton ndeshja.