E fundit!

14:51 Politikë

Rinis me debate seanca plenare/ Rama i pranishëm në Kuvend, foltorja e bllokuar

Ka rinisur seanca plenare, ndërsa i pranishëm në Parlament...

Shqipëri-Gjeorgji, komenti i ndeshjes

10 Shtator 2024, 20:32, Sport CNA

Shqipëria luan me Gjeorgjinë, në ndeshjen e vlefshme për Ligën e Kombeve, në stadiumin “Air Albania”.

Për ata që nuk kanë mundësi ta ndjekin ndeshjen në stadium, CNA.al, ju sjell komentin minutë pas minute, për atë që ndodh në fushën e lojës, në kohë reale.

SHQIPËRI-GJEORGJI 0-1

KOMENTI :

Mbyllet ndeshja.

80’- Tjetër zëvendësim te Shqipëria. Uzuni merr vendin e Nedim Bajramit.

71’- Gol Gjeorgjia! Zhbllokohet sfida, Kochorashvili kalon në avantazh miqtë me një supergol nga jashtë zone, i ndihmuar edhe nga një devijim.

65’- Ardian Ismajli bën një ndërhyrje vendimtare, duke shpëtuar golin e sigurt. Vazhdojnë sulmet e gjeorgjianëve.

61’- Zëvendësimi i parë te Shqipëria. Largohet Arbër Hoxha dhe aktivizohet Qazim Laçi.

48’ Asllani ka një goditje dënimi ballore në dispozicion, por sfera shkon shumë larg katërkëndorit.

45'- Starton pjesa e dyte!

Mbyllet pjesa e parë.

36’- Top i shkëlqyer i Asllanit për Manajn në zonë, sulmuesi nuk e shfrytëzon si duhet aksionin.

25’- Rast i rrezikshëm për miqtë me një top nga e djathta që fatmirësisht nuk devijohet nga Kvaratskhelia para portës.

21’- Asllani tenton një skeme në goditje dënimi, harkimi i tij drejt Ismajlit ndalet nga Mamardashvili, para se mbrojtësi të sinjalizohet në pozicion jashtë loje.

12’- Gjuajtja e parë nga Shqipëria. Arbër Hoxha tenton nga jashtë zonë, por topi shkon mbi traun e portës.

9’- Arbër Hoxha lëviz bukur nga e majta dhe kroson në zonë, por largohet nga mbrojtja gjeorgjiane.

7’- Kroson Kvaratskhelia nga e majta, largon Asllani me kokë.

5’- Vendimtar Marash Kumbullës, i cili largon një top të rrezikshëm në zonë.

3’ Hysaj nga e djathta pason për Manajn, gjuajtja e tij bllokohet nga mbrojtësit gjeorgjianë.

3’ Top në thellësi për Manajn, sfera shkon direkt në duart e portierit.

2’ Kvaratskhelia provon të hyjë në zonë në qendër, Kumbulla e ndalon dhe largon rrezikun pas një starti të shpejtë të miqve.

Starton takimin.