web counter
LEXO PA REKLAMA!

SHKARKO APP

App Store
Google Play

E fundit!

x

Duka: Kam shumë emocione, Shqipëria synon Botërorin

10 Shtator 2024, 20:29, Sport CNA

Duka: Kam shumë emocione, Shqipëria synon Botërorin

Presidenti i Federatës Shqiptare të Futbollit, Armand Duka, beson se Shqipëria mund të kualifikohet në Botëror. Numri 1 i futbollit në vend, para ndeshjes me Gjeorgjinë, deklaroi se ka shumë emocione për këtë takim, ndërsa theksoi se shpreson që lojtarët të mos përfshihen nga emocionet.

“Para se të fillonte kompeticioni, mendoja më pak presion, por qenka njësoj. Uroj të jemi të gëzuar në fund. E shijova shumë edhe fitoren e U-21 ndaj Zvicrës, ishte me përmbysje. Këto lloj fitore, japin më shumë gëzim.

Ky është një grup i balancuar. Të katërta skuadrat janë në të njëjtin nivel. Të gjitha rezultatet janë të mundshme. Kemi bërë vetëm një ndeshje dhe nuk duhet të jemi euforikë. Një fitore sot do na ngjiste në krye. Kam shpresë se do kemi një rezultat pozitiv ndaj këtij publiku.

Duhet të falënderojmë çunat që janë në fushë. Tani Shqipëria, është një hap më lart, kur Bogdani ishte në ekip. Ky progres ka ardhur nga kontributi vit pas viti. Duhet ta synojmë Botërorin. Është më i vështirë se Europiani. Duhet ta synojmë, e kemi objektiv,. Megjithatë objektivi sot është ndeshja me Gjeorgjinë.

Me Silvinjon diskutimin për kontratën e kishim mbyllur që në janar dhe nuk donim të shpërqendroheshim. Nuk kemi dyshuar në punën që ka bërë ai dhe stafi i tij.

Emocionet sot janë më shumë sot, sesa kundër Ukrainës. Unë uroj që publiku të jetë energji pozitive për ekipin. Shpresoj shumë dhe jam i bindur te profesionalizmi i çunave. Unë për vete kam shumë emocione.”, deklaroi Duka.





Lajmet e fundit nga