web counter
LEXO PA REKLAMA!

SHKARKO APP

App Store
Google Play

E fundit!

x

Prezantohet te Juventus-i, Koopmeiners: Kur mbërrita në Itali kuptova sa madhështor është ky klub

10 Shtator 2024, 14:06, Sport CNA
Prezantohet te Juventus-i, Koopmeiners: Kur mbërrita në Itali kuptova
Teun Koopmeiner, Burimi: Juventus

Teun Koopmeiners u prezantua mesditën e kësaj të marte si lojtar i Juventus-it përpara medieve.

26-vjeçari holandez kaloi nga Atalanta te Juventus-i këtë verë, ndërsa ka firmosur për pesë sezone me “Zonjën e Vjetër”.

I pyetur për përshtypjen e tij të parë te “bardhezinjtë”, holandezi u shpreh se për të gjithçka ka qenë fantastike.

"Gjithçka ka qenë fantastike në këto ditët e para. Pritshmëritë e mia janë përmbushur. Ishte bukur që kisha disa ditë për t'u përgatitur për ndeshjet dhe që kisha mundësi të stërvitesha me ekipin. Jam i lumtur dhe i emocionuar për këtë aventurë. Mezi pres të filloj”, - u shpreh mesfushori.

Ndërsa sa i përket transferimit te Juventus-i, Koopmeiners shtoi se gjithmonë ka dashur të luajë për një ekip të këtij niveli.

"Që kur isha fëmijë, gjithmonë kam ndjekur ekipe të mëdha si Juventus-i. Kur mbërrita në Itali kuptova se sa i jashtëzakonshëm ishte ky klub. Kur më kërkoi Juventus-i nuk kisha asnjë dyshim që do të transferohesha këtu”, - shtoi holandezi.

Koopmeiners u transferua verën e vitit 2021 në Itali, ku luajti për Atalanta-n, ndërsa tashmë karriera e tij do të vazhdojë te Juventus-i./CNA





Lajmet e fundit nga