web counter
LEXO PA REKLAMA!

SHKARKO APP

App Store
Google Play

E fundit!

x

Juventusi zhgënjen, Motta aktivizon titullar mesfushorin shqiptar

27 Korrik 2024, 10:53, Sport CNA

Juventusi zhgënjen, Motta aktivizon titullar mesfushorin shqiptar

Trajneri Thiago Motta e nisi në mënyrën më të keqe të mundshme aventurën e tij në stolin e Juventusit. Bardhezinjtë u mposhtën në miqësore nga gjermanët e Nuermberg, me rezultatin 3-0.

Në një sfidë ku titullar ishte edhe mesfushori shqiptar, Luis Hasa, “Zonja e Vjetër” zhgënjeu totalisht, me një paraqitje të dobët.

Skuadra e Bundesligës së dytë gjermane, ishte dominuese nga fillimi, duke krijuar disa raste të pastra për shënim.

Pas tentativave të dështuara, në minutën 19-të, Jander zhbllokoi sfidën, duke përfituar nga një përgjumje e mbrojtjes bardhezi.

Pjesa e parë u mbyll me këtë rezultat, ndërsa edhe fraksioni i dytë i lojës, nuk kishte shumë histori.

Cambiaso iu afrua barazimit në minutën e 50-të, por portieri i gjermanëve, me një pritje spektakolare e dërgoi topin në goditje këndi.

Mundësinë më të mirë për të barazuar shifrat Juventusi e kishte në minutën e 72-të, por sulmuesi Vlahovic gaboi nga pika e bardhë e penalltisë, duke goditur shtyllën.

Forkel i harruar në zonë, në minutën e 87-të dyfishoi shifrat, ndërsa 2 minuta më vonë, Janish vulosi takimin, duke realizuar edhe të tretin.

Një paraqitje aspak pozitive nga italianët, me trajnerin Motta që merr sinjalet se ka shumë punë për të bërë.





Lajmet e fundit nga