web counter
LEXO PA REKLAMA!

SHKARKO APP

E fundit!

x

ZYRTARE/ Mesfushori i Shqipërisë transferohet te skuadra spanjolle

27 Korrik 2024, 10:03, Sport CNA

ZYRTARE/ Mesfushori i Shqipërisë transferohet te skuadra spanjolle

Mesfushori i Shqipërisë, Keidi Bare është bërë me skuadër të re. Futbollisti do të vazhdojë të jetë pjesë e La Liga 2 në Spanjë.

26-vjeçari u prezantua si lojtari më i ri i Real Zaragoza. Pas largimit nga Espanyol, futbollisti kuqezi do të vijojë karrierën në një tjetër klub spanjoll.

Njoftimi i transferimit ka ardhur nga vetë Real Zaragoza, që bëri të ditur firmën me mesfushorin për 3 sezone.

Bare e njeh mirë kampionatin spanjoll, pasi përveç Espanyol, ka luajtur edhe  me ekipe si Malaga dhe Atletico Madrid.

Shqiptari shpreson të lërë shenjë te skuadra e re dhe më pas të rikthehet te Kombëtarja. Ai numëron 29 ndeshje me përfaqëusesen kuqezi, ku ka shënuar 2 gola. Mesfushori nuk ishte pjesë e Europianit duke u lënë jashtë nga trajneri Silvinjo dhe në vendin e tij u mor nje lojtar i ri në moshë si Medon Berisha.

Bare kishte interesime të shumta në merkato, madje nga elita e futbollit spanjoll, ndërsa edhe tek Espanyol i ofruan rinovimin, por vendosi të ndryshojë ambient. Lojtari fierak, beson se në La Liga 2 do të ketë  më shumë mundësi për të luajtur dhe për të qenë në formë për të ardhmen, duke parë edhe moshën e tij të re.

Në La Liga 2, Bare numëron 108 ndeshje të zhvilluara në total, ku  ka arritur të shënojë 1 herë dhe ka dhënë 5 asiste.





Lajmet e fundit nga