LEXO PA REKLAMA!

SHKARKO APP

E fundit!

x

Temperaturat bien në zero gradë/ Ditë e ftohtë, por pa reshje

25 Nëntor 2022, 08:06, Sociale CNA

Temperaturat bien në zero gradë/ Ditë e ftohtë, por pa

Vendi ynë do të përfshihet nga masat ajrore të qëndrueshme të cilat do të sjellin gjatë orëve të para të ditës alternime kthjellimesh dhe vranësirash, ku më të dukshme kthjellimet do të jenë në ultësirën perëndimore.

Ndërsa pjesa e dytë e ditës do të sjellë shpeshtim të vranësirave në pothuajse gjithë territorin, por nuk priten reshje.

Temperaturat e ajrit do të vijojnë të ulen në mëngjes dhe në mesditë duke luhatur vlerat ditore nga 0°C deri në 15°C.

Era do të fryjë e lehtë dhe mesatare me shpejtësi 35 km/h nga drejtimi verior duke krijuar në brigjet detare dallgëzim 2 - 3 ballë.

Ndërsa nesër me 26 nëntor 2022, sipas MeteoAlb, pjesa e parë e ditës do të jetë nën ndikimin e kthjellimeve në ultësirën perëndimore, por kalime të lehta të vranësirave pritet të ketë në zonat malore.

Ndërsa pasditja dhe orët vijuese do të sjellin në vendin tonë shtim gradual të vranësirave, të cilat do të mund të gjenerojnë reshje të pakta dhe të izoluara shiu në zonat jugore dhe pjesërisht në zonat veriperëndimore.

Temperaturat e ajrit do të mbeten kostante në mëngjes, por do të ulen lehtë në mesditë duke luhatur vlerat ditore nga 0°C deri në 14°C.

Era do të fryjë mesatare dhe e fortë me shpejtësi 50 km/h nga drejtimi lindor - verilindor duke krijuar në brigjet detare dallgëzim mbi 3 ballë./CNA.al

Lajmet e fundit nga