web counter
LEXO PA REKLAMA!

SHKARKO APP

App Store
Google Play

Temperatura deri në 40 gradë/ Më i freskët qarku i Korçës

25 Korrik 2022, 08:04, Sociale CNA

Temperatura deri në 40 gradë/ Më i freskët qarku i

Masat ajrore me origjinë nga Veriu i Afrikës do të mbeten prezente në territorin shqiptar duke bërë që të vijojnë temperaturat ekstremisht të larta në ultësirën perëndimore dhe në verilindje të vendit.

Ndërsa më i freskët moti do të jetë në qarkun e Korçës. Kushtet e motit do të jenë në dominimin e kthjellimeve gjatë paradites, por pasditja sjell kalime të pakta vranësirash, të cilat më të dukshme do të jenë në zonat verilindore.

Temperaturat e ajrit do të ulen lehtë në mëngjes dhe në mesditë duke luhatur vlerat ditore nga 17°C deri në 40°C.

Era do të fryjë e lehtë dhe mesatare me shpejtësi 35 km/h nga drejtimi verior-veriperëndimor, për pasojë në brigjet detare do të krijohet dallgëzim 2 ballë.

Ndërsa, nesër, sipas MeteoAlb, deri në orët e mesditës orët me diell do të jenë të shumta në të gjithë vendin tonë.

Por parashikohet që pas mesdite të ketë shfaqje të vranësirave kalimetare, të cilat më të dukshme do të jenë në zonat malore, ku në skajin verior do të mund të krijojnë mundësi për momente të pakta me pika shiu.

Po ashtu dhe gjatë mbrëmjes dhe natës mbeten prezente vranësirat kalimtare të fokusuara në zonat verilindore. 

Temperaturat e ajrit do të rriten në mëngjes, por do të ulen në mesditë duke luhatur vlerat ditore nga 18°C deri në 39°C.

Era do të fryjë mesatarisht me shpejtësi 38 km/h nga drejtimi perëndimor – veriperëndimor duke krijuar në brigjet detare dallgëzim 2 ballë./CNA.al





Lajmet e fundit nga