LEXO PA REKLAMA!

SHKARKO APP

Stuhia “Ciaran” vjen sot në Shqipëri/ Ja zonat që do të preken më shumë

3 Nëntor 2023, 12:25, Sociale CNA

Stuhia “Ciaran” vjen sot në Shqipëri/ Ja zonat që do

Prej disa ditësh stuhia “Ciaran” ka prekur disa vende të Evropës Perëndimore dhe ka shkaktuar dëme katastrofike, deri në viktima e shkatërrime.

Raportohet se kjo stuhi do të vijë edhe në Shqipëri, duke nisur nga pasditja e kësaj të premteje.

Sinoptikanja Lajda Porja zbuloi se më së shumti do të preket qarku i Shkodrës, Tiranës, Elbasanit, zona e Krujës.

Ajo deklaroi për mediat se më pas reshjet e dendura do të zbresin në Vlorë dhe Gjirokastër, ndërsa ditën e nesërme do të preket qarku i Korçës.

“Kemi qarkun e Shkodrës, Tiranë, Elbasan, zonën e Krujës, më pas do të zbresin dhe Vlora dhe Gjirokastra do të marrin sasi reshjesh të konsiderueshme dhe ky sistem pritet që nesër të zhvendoset në qarkun e Korçës. Të gjitha zonat e Shqipërisë do të marrin reshje me sasi të konsiderueshme, duke filluar që sot pas mesditës dhe të paktën deri ditën e diel ku do të ketë dobësim të reshjeve”, u shpreh sinoptikanja.

Lajda Porja theksoi se do të ketë stuhi të forta ere, me shpejtësi që kalon 70-75 km/h, duke sjellë probleme, sidomos në trafikun detar.

Sipas saj, era do të mbetet e fortë deri paraditen e së dielës, ndërsa edhe java tjetër do të ketë mot të paqëndrueshëm./ CNA

Lajmet e fundit nga