LEXO PA REKLAMA!

SHKARKO APP

Bëri transplant me zemër derri/ Humb jetën pas 6 javësh 58-vjeçari

1 Nëntor 2023, 22:10, Sociale CNA

Bëri transplant me zemër derri/ Humb jetën pas 6 javësh

Lawrence Faucette, është 58-vjeçari që bëri rreth gjashtë javë më parë transplantin e zemrës së derrit të modifikuar gjenetikisht.

Zyrtarët e Qendrës Mjekësore të Universitetit të Maryland konfirmuan se 58-vjeçari ndërroi jetë të hënën, pasi pati shenja të refuzimit.

Dr. Bartley Griffith, i cili kreu operacionin eksperimental, zbuloi dëshirën e fundit të Lawrence Faucette.

“Dëshira e fundit e Faucette ishte që ne të bënim maksimumin e asaj që kemi mësuar nga përvoja, që të tjerëve mund t’iu jepet një shans për një zemër të re kur organi njerëzor nuk mund të gjendet. Më pas, ai i tha ekipit të mjekëve dhe infermierëve që u mblodhën pranë tij se na donte. Do të na mungojë tmerrësisht”, u shpreh mjeku.

58-vjeçari u pranua në qendrën mjekësore më 14 Shtator pas simptomave të mosfunksionimit të zemrës dhe iu nënshtrua transplantit 6 ditë më vonë.

Sëmundjet e zemrës dhe problemet e tij shëndetësore nuk e kualifikonin për transplantin me zemër nga trupi njerëzor. Por fatkeqësisht trupi i tij e refuzoi zemrën e derrit të modifikuar gjenetikisht dhe si pasojë humbi jetën.

Faucette ishte njeriu i dytë që kryen një ndërhyrje të tillë. Pacienti i parë, 57-vjeçari David Bennett, humbi jetën vitin e kaluar, dy muaj pas transplantimit të tij. Ai kishte zhvilluar komplikime të shumta dhe në zemrën e tij të re u gjetën gjurmë të një virusi që infekton derrat.

Të dy pacientët kishin sëmundje terminale të zemrës kur morën organet e transplantuara dhe asnjëri nuk arriti të shërohej mjaftueshëm për të lënë spitalin. 

Mjekët thanë se Bennett nuk shfaqte asnjë shenjë të refuzimit akut të zemrës së re, që është rreziku më i rëndësishëm në transplantet e organeve, ndërsa në rastin e Faucette ata deklaruan se zemra kishte filluar të shfaqte disa shenja fillestare të refuzimit./ CNA

Lajmet e fundit nga