LEXO PA REKLAMA!

SHKARKO APP

Studim/ Përdorimi i drogave sintetike

22 Prill 2024, 10:03, Sociale CNA

Studim/ Përdorimi i drogave sintetike

Shoqëria moderne në ditët e sotme po përballet me shumë sfida të ndryshme ku ndër to është edhe sfida e abuzimit të drogës nga të rinjtë ku efektet e abuzimit dhe ndikimi i tyre te të rinjtë janë mjaft të mëdha.

Tregu i drogave sintetike: amfetamina, metamfetamina dhe ekstazia (MDMA), si dhe versionet sintetike të kanabisit dhe opioideve si heroina, shkon në miliarda euro çdo vit dhe sofistikimi i prodhuesve dhe trafikantëve vazhdon të rritet.

Në vendin tonë përdorimi i tyre është së fundmi nga të rinjtë në shkolla, por edhe në koncerte apo klube nate.

Një pjesë e madhe e të rinjve frekuentojnë këto lloj barnatoresh në shoqëri. Ka shumë arsye të mundshme pse të rinjtë mund të përdorin droga sintetike, disa prej tyre mund të jenë:

Ndikimi i mediave sociale dhe kulturës pop

Prezantimi i drogave në mënyrë pozitive në media sociale dhe në kulturën pop mund të ndikojë në pranimin e tyre nga të rinjtë.

Perceptimi i rrezikut të ulët

Ndonjëherë, të rinjtë mund të perceptojnë drogat sintetike si më të pakëndshme sesa drogat e tjera, duke ua bërë më të lehtë për t'i përdorur.

Kurioziteti dhe eksperimentimi

Disa të rinj mund të eksperimentojnë me drogat për të kuptuar efektet e tyre, pa kuptuar rreziqet që shoqërojnë përdorimin e tyre.

Përballimi me stresin dhe presionin shoqëror

Disa të rinj mund të përdorin drogat për të përballuar stresin, ankthin, depresionin ose për të ndjekur me normën e një grupi shoqëror që i përdor ato.

Disa droga sintetike janë më të lehta për t'u gjetur

Në disa raste, drogat sintetike mund të jenë më të lehta për t'u gjetur ose më të lira në krahasim me drogat e tjera.

Faktorë gjenetikë dhe mjedis i rrethit

Në disa raste, predispozicioni gjenetik dhe mjedisi shoqëror i rrethit mund të ndikojnë në përdorimin e drogave nga të rinjtë.

Ndërsa përdorimi i drogave sintetike po fut në kthetra shumë të rinj, shumë pak flitet për efektet e tyre në organizëm. Këto droga shkaktojnë dëme të pakthyeshme deri edhe te humbja e jetës.

Një nga problemet mjaft të diskutueshme në ditët e sotme është abuzimi i të rinjve me lloje të ndryshme të drogave prandaj edhe qëllimi i këtij studimi është të shohim se a kanë njohuri të rinjtë rreth abuzimit të drogës si dhe ndikimin e përdorimit të drogës, duke pasur parasysh moshën, efektet dhe mjedisin social në të cilin ata rriten./ CNA

https://docs.google.com/forms/d/e/1FAIpQLSf9IZXnuo-bZ8MmDriAElsECdONYuPb71QV4gi0fn13h0tFMg/viewform

 

Lajmet e fundit nga