LEXO PA REKLAMA!

SHKARKO APP

Temperatura deri në 30 gradë/ Parashikimi i motit për ditën e sotme

12 Prill 2024, 07:08, Sociale CNA
Temperatura deri në 30 gradë/ Parashikimi i motit për ditën
Foto ilustruese

Qarkullimi anticiklonar i azoreve dhe ai afrikan që ka mbërthyer një pjesë të madhe të Ballkanit dhe jo vetëm prej disa ditësh tashmë do të bëjë që edhe për ditën e premte mbi vendin tonë të dominojnë kushte të qëndrueshme atmosferike.

Moti do të jetë i kthjellët me orë të gjata me diell, ndërsa vranësira të pakta në formën e reve të mesme dhe të larta kalimtare, kryesisht përgjatë relieveve malore në lindje.

Era do të fryjë me drejtim verilindje-veriperëndim me shpejtësi 1-6 m/s, ndërsa përgjatë vijës bregdetare, në lugina dhe në male hera-herës do të fitojë shpejtësi 8-12 m/s, duke bërë që valëzimi në dete të jetë i forcës 2-3 ballë.

Temperaturat minimale parashikohen jo më të ulëta se 9°C, kjo kryesisht në vendet malore, ndërsa vlerat maksimale pritet të arrijnë deri 30°C në zonat e ulëta si Tirana apo Kuçova./CNA 

Lajmet e fundit nga