LEXO PA REKLAMA!

SHKARKO APP

App Store
Google Play

E fundit!

x

Rikthehen reshjet, por temperaturat nuk bien/ Parashikimi i motit për sot dhe nesër

9 Dhjetor 2022, 08:07, Sociale CNA

Rikthehen reshjet, por temperaturat nuk bien/ Parashikimi i motit për sot

Territori shqiptar mbetet në mbizotërimin e vranësirave të shumta në pothuajse gjithë ditën e premte, ku pritet që më të fokusuara vranësirat të jenë në zonat veriore dhe pjesërisht veriperëndimore.

Vranësirat herë pas here do të pësojnë zhvillime duke gjeneruar reshje të pakta shiu në të gjithë vendin, por më të fokusura reshjet pritet të jenë në zonat veriore.  

Temperaturat e ajrit do të vijojnë të rriten në mëngjes dhe në mesditë duke luhatur vlerat ditore nga 5°C deri në 20°C.

Era do të fryjë mesatare dhe e fortë në det me shpejtësi 50 km/h kryesisht nga drejtimi jugor duke krijuar në brigjet detare dallgëzim 4 ballë.

Ndërsa me 10 dhjetor 2022, sipas MeteoAlb, kushtet e paqëndrueshme atmosferike do të diktojnë motin në vendin tonë përgjatë gjithë 24-orëshit, duke sjellë vranësira të shumta, të cilat do të gjenerojnë reshje të pakta shiu gjatë paradites.

Ndërsa në orët vijuese vranësirat do të zhvillohen, duke bërë që reshjet të bëhen më të dukshme në të gjithë territorin. Por më të shumta shirat do të jenë në zonat veriore dhe pjesërisht në qendër të Shqipërisë.

Temperaturat e ajrit do të rriten në mëngjes, por mbeten konstante në mesditë duke luhatur vlerat ditore nga 6°C deri në 20°C.

Era do të fryjë mesatarisht me shpejtësi 60 km/h nga drejtimi jugor-jugperëndimor duke krijuar në brigjet detare dallgëzim 5 ballë./CNA.al

Lajmet e fundit nga