E fundit!

09:56 Denoncim

“Lumë” presioni në rrjetet sociale/ Të famshmit në “shënjestër”, kush po i nxit për protestat

Protestat e ditëve të fundit të lidhur me situatën në Zvër...

147 gra të vrara në 11 vite/ Aktivistja: Ndodhin pasi ato marrin urdhër mbrojtje

3 Dhjetor 2022, 14:26, Sociale CNA

147 gra të vrara në 11 vite/ Aktivistja: Ndodhin pasi ato marrin

Aktivistë të shoqërisë civile kanë organizuar sot një protestë homazh për dhunën dhe vrasjet ndaj grave në solidarizim me protestën që u mbajt një ditë më parë në Kosovë.

Po si qëndron gjendja në Shqipëri, sa i takon problemit të grave të dhunuara dhe të vrara nga dhuna më familje.

Aktivistja Sidorela Vatnikaj, tha në studion e “MCN TV”, se shifrat janë alarmante.

Në 11 vitet e fundit në Shqipëri, flasim për 147 gra të vrara.

"Në 11 vitet e fundit kemi 147 gra të vrara, që është një shifër alarmante, shifër që drithëron këdo që dëgjon. Nga të gjitha organizmat, qoftë shtetëror, e të shoqatave të gjithë duhet të bëjnë me shumë.

Ky aksion duhet të jetë fillimi i punës për tu organizuar më mirë, për te krijuar rrjete grash, vajzat, burrash, mendoj se ky duhet te jetë hapi i parë më thelbësor", ka thënë Vatnikaj.

Sipas aktivistes Vatnikaj, numri më i madh i grave të vrara ndodh pasi ato kanë denoncuar dhunën dhe kanë marrë një urdhërmbrojtje ndaj ish-bashkëshortëve.

Vatnikaj thotë se pikërisht këtu shteti ka dështuar për t’i mbrojtur pas urdhrit të mbrojtjes.

"Në vend nuk ka asnjë shërbim ose qendra që merren me trajtimin e grave dhe vajzave të dhunuara.

Institucionet kanë dështuar, sepse në rastet më të shumtë ta vrasjes, dhunimeve dhe krimeve ndaj vajzave dhe grave, të gjithë këto janë të pajisura me urdhër mbrojtjeje.

Ne kemi disa urdhra mbrojtje, gratë e çajnë këtë rrjet patriarkati dhe e denoncojnë dhunën, marrin një urdhër mbrojtje dhe pikërisht janë prape të braktisura nga shteti, i cili nuk ua siguron dot sigurinë e jetës.

Në këtë kuptim them se institucionet jo vetëm kanë dështuar jo vetëm për ta parandaluar ngjarjen qe të mos kishte fare dhunë në familje por edhe kur kjo raportohet e kanë dështuar për ta mbrojtur këtë vajzë, këtë grua që po kërkon ndihmë.

Nga ana tjetër ne nuk kemi shërbime për këto gra dhe vajza të cilat e denoncojnë dhunën, por çfarë ndodh pasi ato e denoncojnë, ne nuk kemi shtëpi, qendra të cilat merren me trajtimin e këtyre vajzave dhe grave, nuk kemi shërbime të aftësimit profesional, çfarë do të ndodh kush do i mbajë ekonomikisht dhe ky është problemi më i madh.

Dhe në këtë kuptim kemi dështuar në të gjitha hallkat, jo vetëm në parandalimin e vrasjeve, por edhe në fuqizimin e grave, në dëgjimin e problematikave dhe shqetësimet që ato kanë, në raportimin e dhunës, etj", shprehet më tej ajo.