LEXO PA REKLAMA!

SHKARKO APP

Moti “përvëlues” zgjat vetëm dy ditë/ Sinoptikanët paralajmërojnë surpriza për javën e ardhshme

3 Korrik 2022, 14:53, Sociale CNA
Moti “përvëlues” zgjat vetëm dy ditë/
Foto ilustruese

Moti “përvëlues” që ka mbërthyer vendin tonë parashikohet të zgjasë edhe për ditët e para të javës që presim përpara. Megjithatë, në pjesën e dytë të javës anticikloni afrikan fillon dhe tërhiqet gradualisht, ndërsa pritet edhe rënie e lehtë dhe graduale e temperaturave.

Në këtë mënyrë, me sa kuptohet dhe nga më sipër, moti për të gjitha ditët e kësaj jave (përjashtuar ditën e premte) parashikohet kryesisht i kthjellët si dhe alternime vranësirash kalimtare nga orët e mesditës deri ato të pasdites. Dita e premte parashikohet me alternime kthjellimesh e vranësirash mesatare dhe të dendura.

Në relievet kodrinore – malore të vendit, vranësirat nga mesdita deri pasdite do të jenë hera-herës deri të dendura. Ato do të shoqërohen me reshje shiu të herëpashershme dhe afatshkurtra, në formën e shtrëngatave.

Por, në mënyrë të izoluar dhe periudha tepër afatshkurtra, këto reshje në këto zona do të jenë edhe në formën e rrebesheve dhe stuhive shoqëruar me breshër dhe shkarkesa elektrike.

Për ditën e premte, reshjet e shiut do të përfshijnë pjesën më të madhe të territorit, me intensitet të ulët deri mesatar në formën e shtrëngatave dhe të herëpashershme. Lokalisht reshjet priten në formën e rrebesheve dhe stuhive shoqëruar me breshër dhe shkarkesa elektrike.

Për tu theksuar janë disa fakte: Ditët më të nxehta të kësaj jave do të jenë ajo e hënë dhe pjesërisht ajo e martë, më pas pritet rënie graduale e temperaturave në vlerat e mesditës. Për shkak të lagështirës relativisht të lartë, ndjesia e temperaturave për trupin e njeriut do të jetë disa gradë më e lartë se sa ajo reale e matur nën hije në kafazin meteorologjik.

Sipas Shërbimit Meteorologjik, duke filluar nga dita e mërkurë pritet erë me drejtim kryesor nga kuadrati i veriut, e cila përgjatë vijës bregdetare hera-herës arrin shpejtësinë deri në 7-10m/s, shpejtësi kjo relativisht intensive./ B.A. – CNA.al

Moti “përvëlues” zgjat vetëm dy ditë/

Lajmet e fundit nga