I nxehti afrikan “mbërthen” Shqipërinë/ Në fundjavë temperatura deri në 40 gradë

1 Korrik 2022, 14:41, Sociale CNA
I nxehti afrikan “mbërthen” Shqipërinë/ Në
Foto ilustruese

Fundjava do të jetë përvëluese. Sipas MeteoAlb, temperaturat do të shkojnë deri në 40 gradë.

E shtuna dhe e diela do të përshkohen nga i nxehti afrikan, që ka mbërthyer vendin ditët e fundit.

E shtunë

Depërtimi i masave ajrore me origjinë Afrikane do të diktojë në vendin tonë sërish mot të kthjellet dhe të nxehtë gjatë gjithë paradites, por orët e pasdites do të sjellin kalime vranësirash nëpër të gjithë territorin e vendit, ku më të theksuara vranësirat paraqiten në ekstremin verior duke rrezikuar rrebeshe shiu. Ky stabilitet i atmosferës do të na shoqërojë edhe gjatë natës.

Temperaturat e ajrit do të pësojnë rritje në mëngjes dhe në mesditë duke luhatur vlerat ditore nga 16°C deri në 40°C.

Era do të fryjë mesatare në tokë dhe në det me shpejtësi 35 km/h nga drejtimi veriperëndimor, duke krijuar në det dallgëzim mbi 2 ballë.

E diel

Vendi ynë, mbetet nën dominimin e motit të kthjellët dhe temperaturave të larta përgjatë gjithë 24-orëshit. Kjo situatë meteorologjike do të vijojë deri në orët e vona të pasdites kur pritet kalim i vranësirave në zonat malore, por nuk priten reshje. Përqindja e lartë e lagështirës në ajër do të bëjë që i nxehti të ndihet edhe më shumë.

Temperaturat e ajrit do të mbeten të larta si në mëngjes dhe në mesditë duke luhatur vlerat ditore nga 17°C deri në 40°C.

Era do të fryjë mesatarisht me shpejtesi max 40 km/h./CNA.al

Lajmet e fundit nga