Skandaloze-Si Luli Basha po mban peng asetet digjitale të PD-së?

13 Gusht 2024, 12:10, Politikë CNA

Skandaloze-Si Luli Basha po mban peng asetet digjitale të PD-së?

Lulzim Basha

Në 11 qershor të vitit 2024, Gjykata e Apelit foli dhe vendosi që t’i kalojë vulën dhe siglën e PD-së, ish-kryeministrit Sali Berisha.

Por pavarësisht këtij fakti, Lulzim Basha vijon të përfshihet në skandal duke mbajtur peng në mënyrë të paligjshme asetet digjitale të Partisë Demokratike, faqet e internetit, llogaritë në rrjetet sociale apo të dhënat e ndjekësve të partisë.

Luli Basha, njeriu pa parti dhe disa mbështetës të tij që numërohen me gishtat e dorës, vijojnë të mbajnë peng asetet digjitale.

Këto asete përfshijnë:

-Domaini kryesor i Partisë Demokratike: pd.al

-Faqja zyrtare në “Facebook”: Dikur e njohur si “Partia Demokratike e Shqipërisë”, tashmë ka marrë emrin “Partia Demokratike – Demokratët Euroatlantike“.

-Faqja në “Facebook” e gazetës “Rilindja Demokratike”: Platforma kryesore për shpërndarjen e lajmeve dhe njoftimeve të partisë.

-Domaini dhe website i gazetës “Rilindja Demokratike”: rd.al, që ende mbahet nga grupi i Bashës.

-Profilet e zhvilluesve të aplikacioneve në Google Play dhe App Store: Mbajnë emrin “Partia Demokratike”, duke ruajtur aksesin dhe kontrollin mbi aplikacionet zyrtare.

-Llogaria në “Twitter”: E njohur më parë si @pdshqiperi, është ndryshuar në @demokratet_al.

Përveç këtyre, Luli Basha po mban peng dhe të dhënat personale, lista email-esh dhe numrash telefoni, audienca të gjeneruara nga reklamat në “Facebook” dhe “Instagram”, dhe “Meta Business Manager”, që përbëjnë një burim të çmuar për komunikimin politik.

Kjo është skandaloze, pasi me vendim të Gjykatës, ligjërisht ato duhet t’i kthehen me urgjencë PD-së zyrtare.

Basha vijon t’i keqpërdorë për interesat e tij, kur në fakt duhet t’u kalojnë në dorë përfaqësuesve të PD-së zyrtare, të Sali Berishës, të cilit Gjykata ia ka dorëzuar përmes vendimit të marrë pak ditë më parë.

Çështja është shqyrtuar në themel në Apel dhe Lulzim Basha e ka humbur përfundimisht vulën e PD-së.

Luli Basha pa parti, me urgjencë duhet të dorëzojë të gjitha asetet digjitale të Partisë Demokratike dhe të mos i përdorë për interesat e tij personale./ CNA