web counter
LEXO PA REKLAMA!

SHKARKO APP

App Store
Google Play

E fundit!

x

Si Erion Veliaj po poshtëron Edi Ramën

7 Shtator 2024, 11:17, Politikë CNA
Si Erion Veliaj po poshtëron Edi Ramën
Edi Rama dhe Erion Veliaj

Kryebashkiaku i Tiranës, Erion Veliaj prej muajsh ka nisur një seri sulmesh ndaj kryeministrit Rama, me skenarë të ndryshëm që filluan nga vëllai i kreut të qeverisë, te skandalet dhe sulmet ndaj ministrave, te protestat në rrugën Thumanë-Kashar dhe në publikime "skandalesh" mediatike të ndryshme, të cilat janë kundër qeverisë dhe nuk vijnë nga opozita po çuditërisht vijnë nga mediat që sponsorizohen dhe paguhen nga Erion Veliaj. (lexo këtu)

Megjithëse disa prej tyre janë edhe në kujdesin e kryeministrit. Faktet janë kokëforta, por përtej sulmeve politike që Erion Veliaj i bëri pas skandalit me dosjen "5D", inceneratorët dhe thirrjen e tij në SPAK, kryebashkiaku tashmë ka filluar edhe një veprim tjetër, atë të poshtërimit të kryeministrit Rama.(lexo këtu)

Pas sulmeve të vazhdueshme që i bëri kryeministri duke e neveritur, duke mos i folur, duke e mbajtur në distancë dhe e vetmja dalje publike e Edi Ramës me Erion Veliajn është ajo e sportistëve pardje, një event i stisur nga kryebashkiaku i Tiranës, asgjë tjetër nuk ka ndodhur në të gjithë këto muaj.(lexo këtu)

Burimet nga PS-ja thonë që komunikimi i tyre është i ngrirë. Për më tepër Rama kur shkoi në bashki tha se asgjë nuk do ta çonte atje përveçse Ali Ahmetit. Pra preu edhe foton me Erion Veliajn. Mesazhet e tij kanë qenë të qarta. (lexo këtu)

Erion Veliaj është poshtëruar nga kryeministri dhe mesa duket tani po përdor një strategji tjetër. Për ta dëmtuar, kryebashkiaku i Tiranës ka filluar të bëjë lëvizje, të cilat kanë pasoja të mëdha politike. Në vitin e ardhshëm janë zgjedhjet parlamentare dhe votohet për Partinë Socialiste dhe votohet për Ramën kryeministër dhe Erion Veliaj ka filluar të mos pastrojë Tiranën. Mjafton ta shikosh në 10 ditët e fundit kryeqytetin, malet me plehra e kanë pushtuar kudo. Jo vetëm në periferi, kudo në kryeqytet. Ai pastron vetëm një pjesë të zonës së ish-Bllokut dhe qendrës dhe pjesa tjetër është e papastruar. 

Me justifikimin se atij i bëjnë presion apo shantazh, siç gënjen dhe mashtron gjithmonë publikisht, ai ka akuzuar subjektet. Por në fakt është Erion Veliaj, i cili ka lidhur kontratën e pastrimit të kryeqytetit me këto kompani. Është ky Erion Veliaj, i cili nuk ka çuar asnjë nga kompanitë në SPAK, apo në prokurori, t'i kallëzojë penalisht për moskryerjen e detyrës, sepse është një bashkëpunëtor i tyre. (lexo këtu)

Si Erion Veliaj po poshtëron Edi Ramën
Tirana e pushtuar nga plehrat, foto: CNA

Shumica e këtyre subjekteve prej vitesh e pastrojnë Tiranën me bashkëpunimin e Erion Veliajt. Jo vetëm kaq, disa prej tyre janë edhe bashkëpunëtorë të drejtorëve të dosjes së famshme "5D", apo të tjerë drejtorëve që janë ende në detyrë. (lexo këtu)

Erion Veliaj ka zgjedhur ta poshtërojë Ramën, me një skemë të fëlliqur, duke mos pastruar kryeqytetin, sepse në fund çdo pasojë në vota nuk shkon tek Erion Veliaj, por shkon tek Edi Rama. me qëllim Erion Veliaj për ditë të tëra krijon skemë, më pas i bën skenarë për ti dhënë pasoja Edi Ramës, i cili e ka distancuar. Tashmë Erion Veliaj ka gjetur një mënyrë tjetër, ta poshtërojë Ramën, t'i bëjë sa më shumë dëm për t'i thënë se pa të nuk mund të ecë dot përpara. E vetmja mënyrë është me Erion Veliajn në krah. (lexo këtu)

Në fakt Partia Socialiste dhe Rilindja do të humbnin edhe më shumë në rast se 99-çat dhe Lali Eri i vetëshpallur si zdroms dhe i kapur si kryetar i një organizate hajdutësh, do të vijonte me mospastrimin e Tiranës dhe Erion Veliaj këtë e di shumë mirë. (lexo këtu)

Për të shpëtuar lëkurën e tij dhe bashkëpunëtorët poshtëron kryeministrin që ai i fundit të mos e lëshojë, ta mbajë pranë për ta shpëtuar nga burgu se politikisht tashmë Veliaj është i vdekur. Të vetmin dëm që mund të bëjë është të mos pastrojë Tiranën që t'i lërë pasoja Edi Ramës në vota./CNA





Lajmet e fundit nga