web counter
LEXO PA REKLAMA!

SHKARKO APP

App Store
Google Play

Gjekmarkaj: Berisha figura kryesore e PD, i padiskutueshëm në drejtimin e partisë

5 Shtator 2024, 19:33, Politikë CNA
Gjekmarkaj: Berisha figura kryesore e PD, i padiskutueshëm në
Agron Gjekmarkaj

Pasi e vendosi drejtues në qarkun e Lezhës, Agron Gjekmarkaj dikur kritiku më i fortë i kreut të PD-së, Sali Berisha, sot thotë se ish-kryeministri është figura kryesore e PD dhe është i padiskutueshëm në drejtimin e partisë.

Gjatë një interviste, Gjekmarkaj tha se 12 drejtuesit e PD në qarqe kanë integritetin për të udhëhequr fushatën të suksesshme.

“Në mbledhjen e Kryesisë së PD u diskutua për gjendjen e vendit. Fjala e Berishës ishte një apel, një fjalë udhëzuese për strukturat e PD dhe për vetë qytetarët që shohin me shpresë nga opozita.

Pjesa e dytë ishte shpallja e kryesuesve në qarqe. U zgjodha kryesues i PD për qarkun Lezhë. Unë jam një person që besoj se kam bërë dhe do të bëjë gjithçka për Lezhën.

Berisha është figura kryesore e PD, është i padiskutueshëm në drejtimin e Partisë Demokratike.

Qytetarët jetojnë në një shtet, ku iu futen duart në xhep, ku krimi i organizuar menaxhon votat dhe qytetarët besoj se janë të irrituar nga kjo situatë.

Rama po sillet si mbret në Republikë Parlamentare dhe qytetarët kanë të drejtë të reagojnë. PD grumbulloi gati 600 mijë vota, në kushte tepër të këqija, do bëjë më mirë tashmë që jemi bashkuar.

12 drejtuesit e PD në qarqe kanë integritetin për të udhëhequr fushatën të suksesshme. Drejtësia e re po vepron me regji”, tha ai./ CNA





Lajmet e fundit nga