web counter
LEXO PA REKLAMA!

SHKARKO APP

App Store
Google Play

Muçollari: Tirana kryeqyteti i mbetjeve, vendin e shpëtojmë vetëm me protesta

6 Shtator 2024, 11:52, Politikë CNA
Muçollari: Tirana kryeqyteti i mbetjeve, vendin e shpëtojmë
Grigels Muçollari

Anëtari i Kryesisë së PD-së, Grigels Muçollari, në fjalën e tij në protestën që po zhvillohet para bashkisë, theksoi se Tirana është kryeqyteti i mbetjeve.

Muçollari u shpreh se ne nuk e durojmë dot të cilësohemi kryeqyteti i papastërtive, por duhet të cilësohemi Tirana e protestave, vetëm kjo Tiranë do ta shpëtojë vendin dhe qytetin.

"Unë ua them me plot gojën se ju jeni heronjtë e këtij qyteti, pasi pavarësisht kushteve keni dalë në protestë për t'i dhënë jetë këtij kryeqyteti, i cili është në agoni. Ky pushtet i ka dhënë titullin kryeqyteti i rinisë, po cila rini, ajo që ka ikur nëpër botë, i ka dhënë titullin kryeqyteti i sportit, po cilit sport, atij pa fusha që i kanë vendin zënë ndërtimet e pallateve. Ka fjalë që do të cilësohet vitin tjetër kryeqyteti i kulturës, po cila kulturë, kur nuk ka një teatër kombëtar. Për fat të keq Tirana i vetmi emërtim që mund t'i japësh është kryeqyteti i mbetjeve në disa aspekte.

Ka dhjetëra ditë që në lagjet e Tiranës janë grumbulluar male me mbetje të cilat duhet të ekzekutoheshin nga inceneratori, por Veliaj ka marrë 130 milionë euro për një incenerator i cili nuk ekziston.

Kur kapet hajduti në vjedhje jo vetëm që nuk arrestohet nga SPAK-u, por ai vazhdon të marrë vendime në kundërshtim me interesin qytetar. Nuk e durojmë dot të cilësohemi kryeqyteti i papastërtive, por duhet të cilësohemi Tirana e protestave, vetëm kjo Tiranë do ta shpëtojë vendin dhe qytetin", u shpreh Muçollari./CNA





Lajmet e fundit nga