web counter
LEXO PA REKLAMA!

SHKARKO APP

App Store
Google Play

E fundit!

x

VIDEO-CNA VËZHGIM NË TERREN/ Tirana “e pushtuar” nga plehrat, rrezik për qytetarët

5 Shtator 2024, 22:03, Denoncim CNA

VIDEO-CNA VËZHGIM NË TERREN/ Tirana “e pushtuar” nga

CNA prej kohësh ka denoncuar situatën skandaloze me mbetjet, pasi plehrat kanë mbuluar lagjet e Tiranës.

Në çdo zonë, kazanët e mbetjeve janë të tejmbushur dhe plehrat “dergjen” në rrugë me ditë të tëra.

Përveç një panorame aspak dinjitoze për një kryeqytet, situata e pazgjidhur e mbetjeve në Tiranë po rrezikon çdo ditë shëndetin e qytetarëve.

CNA ka bërë të enjten një vëzhgim në terren, në disa prej lagjeve më të popullurara të Tiranës.

E nisim me “Astirin”, zonë në të cilën kjo panoramë mbetjesh është e zakonshme.

VIDEO-CNA VËZHGIM NË TERREN/ Tirana “e pushtuar” nga

“Don Bosko”, një zonë tejet e populluar, por me plehra në rrugë dhe kazanë të papastruar.  

VIDEO-CNA VËZHGIM NË TERREN/ Tirana “e pushtuar” nga

Situata e njëjtë paraqitet edhe në zonën e “Brryl-it”.

VIDEO-CNA VËZHGIM NË TERREN/ Tirana “e pushtuar” nga

Këto ishin vetëm disa nga lagjet e Tiranës të mbytyra nga plehrat, por situatë e njëjtë paraqitet në të gjithë kryeqytetin.

Kryebashkiaku i Tiranës, Erion Veliaj, me ardhjen në krye të bashkisë, dëshmoi se i kishte fiksim plehrat.

Me inceneratorin që nuk ekziston, mori dhjetra miliona euro nga taksat e qytetarëve të varfër, ndërsa Tiranën e ka lënë nën pushtetin e plehrave.

Afera e inceneratorit shkon mbi 130 milionë euro, por plehrat “dergjen” rrugëve të kryeqytetit. Ai që propagandoi për pastrimin e Tiranës, sot e ka lënë këtë të fundit të mbytur nga mbetjet.

CNA do të vazhdojë të sjellë pamje për situatën skandaloze në lagjet e kryeqytetit, ndërsa treguam gjendjen e zonave të ndryshme këtë të enjte./ CNA





Lajmet e fundit nga