web counter
LEXO PA REKLAMA!

SHKARKO APP

App Store
Google Play

Denoncimi: Bashkia e Tiranës, plot 788 milionë lekë borxhe

7 Gusht 2024, 15:24, Denoncim CNA
Denoncimi: Bashkia e Tiranës, plot 788 milionë lekë borxhe
Bashkia e Tiranës

Bashkia e Tiranës, e përfshirë në skandale dhe korrupsion, është borxhlie ndaj institucioneve shtetërore.

Këtë fakt e denoncoi këtë të mërkurë koordinatori rajonal i Tiranës në PD, Klevis Balliu.

Në një deklaratë për mediat, Balliu tha se bashkia e Veliajt ka 788 milionë lekë borxhe, si pasojë e abuzimeve dhe keqmenaxhimit.

“Bashkia e Tiranës, përveç borxheve që u ka qytetarëve, të cilëve u ka shtuar trafikun, u ka ndotur ajrin, u ka ulur gjelbërimin, u ka rritur kullat dhe betonin është borxhlije e keqe edhe me institucionet shtetërore. Plot 788 milion lekë borxhe ka bashkia e Erion Veliajt si rrjedhojë e abuzimeve dhe keqmenaxhimit.

Sipas kategorive, peshën më të madhe të stokut të detyrimeve e zë kategoria ‘Investime’ me 47%, ndjekur nga ‘Të tjera’ 25%, ‘Shërbime’ 11%, dhe ‘Vendime Gjyqësore’ 9%.

Partia Demokratike prej vitesh ka denoncuar sistematikisht vjedhjet dhe abuzimet sistematike të Erion Veliajt me taksat e qytetareve të Tiranës, dhe pavarësisht maleve me prova për korrupsionin e tij, drejtësia nuk reagon.

Si rrjedhojë Bashkia e Tiranës, jo vetëm nuk i përgjigjet problemeve të qytetarëve, por nën drejtimin e Veliajt në këto 9 vite thyen rekorde në borxhe ndaj palëve të treta, më shume se çdo bashki tjetër. Disa milionë i ka për vendime gjyqësore, gjyqe të humbura me punonjës të shkarkuar padrejtësisht nga puna, apo padrejtësi të tjera ndaj qytetarëve të Tiranës.

Kur e dëgjoni lali Erin të predikojë si pastor, mos e besoni, poshtë fjalëve është fakti se ai as detyrimet e institucionit të vet nuk i shlyen. Ndërkohë që u merr shpirtin qytetarëve dhe u bllokon llogaritë, nëse nuk paguajnë taksat bashkiake, për vete grumbullon qindra miliona ta papaguara. Atij nuk i bie kush në qafë sepse prokurorët e SPAK i ka kolegë.

Ndërkohë, borxhi i bashkisë mund të shlyhet fare lehtë:

Të ndalohen pagesat e inceneratorëve, 80 mijë euro në ditë!

Të ndalohen abuzimet!

Të ndalohet luksi!

Të mos shkarkohen punonjës padrejtësisht nga puna!”, theksoi ai.

Gjithashtu, Balliu ftoi qytetarët që të protestojnë të enjten kundër kryebashkiakut të Tiranës, për të gjitha abuzimet e kryera në bashkinë e parë të vendit./ CNA





Lajmet e fundit nga