web counter
LEXO PA REKLAMA!

SHKARKO APP

App Store
Google Play

E fundit!

x

“Na kanë futur kancerin në gjak”/ Fshati turistik kthehet në landfill, situata alarmante

10 Korrik 2024, 19:53, Denoncim CNA
“Na kanë futur kancerin në gjak”/ Fshati turistik kthehet
Landfilli ne fshatin "Halil"

Erjon Skëndaj në emisionin e tij “Fol” ka sjellë një tjetër denoncim. Këtë herë në qendër të vëmendjen vendoset fshati turistik “Halil” në Fushë-Krujë, i cili është kthyer në një pikëgrumbullimi të mbetjeve.

Sipas asaj që transmeton Skëndaj, situata duket katastrofike në këtë fshat. Banorët shprehen të shqetësuar pasi preken nga sëmundje të ndryshme dhe jetesa në këtë fshat është bërë e pamundur, pas plehrat ndodhen 50 metra larg shtëpisë më të afërt.

Mbeturina që grumbullohen sa një mal dhe që digjen janë një këmbanë alarmi, pasi po rrezikohet jeta e banorëve të fshatit të cilët kërkojnë menjëherë zgjidhje ose do të largohen nga fshati pasi në zemër të tij ka një mal me plehra që vijnë nga Kruja, Fushë-Kruja dhe Kamza.

Banorët janë shprehur për emisionin “Fol” se, në 5 vite ka patur rreth 30 vdekje si pasojë e ndotjes dhe plehrave.

Ata shprehen se nuk kanë as kosha plehrash, as ujë, as prodhime asgjë.

“Na kanë futur kancerin në gjak!”, shprehen ata.

"Ky mali i plehrave këtu ka mbi 10 vjet. Është një fatkeqësi e madhe për banorët e fshatit. Unë do ta quaja krim ndaj njerëzimit. Kush e ushtron këtë veprimtari fiton lekë në kurriz të viktimave të fshatit Halil. Në kohën që është vendosur ne e kemi bërë problem. S’kemi lënë letër, protesta. Ankimimi ynë ka qenë i vazhdueshëm, por kanë heshtur të gjithë. Bashkia thotë se s’kemi ku t’i çojmë. Qëllimi i tyre është që ta shpopullojnë këtë vend. Ne do ikim vetë, ta lëmë fshatin vetëm për plehra. Breza 5-vjecarit numërohen rreth 30 vdekje, që kanë ardhur vetëm nga ndotja e ambientit. Duhet të ketë institucione për ta vërtetuar. Këtu sjellin edhe mbeturinat e thertoreve, edhe mbeturinat e spitaleve. Ne do kërkojmë që mbeturinat të hiqen, ose ne të ikim. T’i vendosësh mbeturinat 30 metra pranë liqenit, është krim. Shpërthimet e fuqishme të guroreve i thanë puset. Plehrat janë 50 metra larg shtëpive. Kemi pasur infarkte, paralizime, sëmundje lëkure”, kanë rrëfyer banorët.

"Ku do vijë turisti këtu?! Do shohë plehrat. Ka investuar tjetri atje. Kryeministri ka kaluar këtu, besoj se do ta ketë parë edhe ai vet”, është shprehur një tjetër banor.

Situata është alarmante në këtë fshat që në vend që të merrte frytet nga turizmi, merr tymin e malit me plehra.

Ndonëse paguajnë taksa, banorët e këtij fshati vazhdojnë prej 10 vitesh të thithin tymin e zi të plehrave./ CNA





Lajmet e fundit nga