LEXO PA REKLAMA!

SHKARKO APP

Shtyrja e rritjes së pagës për administratën/ Tabaku: Paaftësi e Ministrisë së Financave

3 Qershor 2023, 14:35, Politikë CNA

Shtyrja e rritjes së pagës për administratën/ Tabaku:

Deputetja e  Partisë Demokratike,  Jorida Tabaku ka komentuar shtyrjen vendimit për rritjen e pagave për administratën publike.

Në një intervistë televizive, Tabaku u shpreh se kjo është paaftësi e Ministrisë së Financave.

Ndër të tjera, deputetja e cilësoi një justifikim naiv deklaratën e ministres Delina Ibrahimaj se “nuk u zbardh dot vendimi i Këshillit të Ministrave”.

“Ajo që u pengua të miratohej pak muaj më parë ishte po nga mazhoranca. Askush nga ne nuk është naiv që të mendojë së deputetët e mazhorancës paskan këtë sens rebelimi dhe bllokojnë ligjet e qeverisë. Kemi dëgjuar që nga dhjetori i kaluar kryeministrin dhe ministren e Financave, që qartësisht kanë thënë: Janë llogaritur efektet, është një strategji e re e hartuar për pagat, fondet në buxhetin e shtetit janë megjithëse kemi thënë që ka një pikëpyetje të madhe për llogaritjen e fondeve për rritjen e pagave. Thanë që kanë llogaritur kategoritë e tij dhe 185 mijë punonjës të administratës kanë të paktën 6 muaj që presin rritjen e pagave”, u shpreh ajo.

 

 

Lajmet e fundit nga