Reagimi i Kim për lirimin e Tahirit/ Ish-ministri i Drejtësisë: Nuk më plas fare

2 Qershor 2023, 21:48, Politikë CNA

Reagimi i Kim për lirimin e Tahirit/ Ish-ministri i Drejtësisë:

Ambasadorja e SHBA në Tiranë, Yuri Kim

Ambasadorja e SHBA në Tiranë, Yuri Kim, u shpreh e zhgënjyer për lirimin e ish-ministrit Saimir Tahiri dhe paralajmëroi se kushdo që është i përfshirë në këtë vendim, do të përballet me pasoja.

Për deklaratën e Kim ka reaguar ish-ministri i Drejtësisë, Ylli Manjani, i cili thotë se nuk i intereson mendimi i një ambasadoreje që i ka mbaruar mandati.

Manjani deklaron në një status në rrjetet sociale dënimi i Tahirit ishte bolshevik, ndërsa sjellja e ambasadores prova që qeverisemi nga karagjozë.

Lirimi i Tahirit/ Ambasadorja Kim reagon e zhgënjyer: Veprimet do kenë pasoja
2 Qershor, 18:54

Statusi i plotë:

As më plas fare se çfarë mbllaçit Yuri Kim, të cilës i ka mbaruar mandati dhe takati për të dhënë mend për punët tona.

Me këtë rast është me vend të ritheksoj se:

1. Rasti Saimir Tahiri ishte model i imponuar dënimi për qëllime propagande. Me përjashtim të masës së dënimit, asnjë dallim nga dënimet bolshevike nuk kishte kjo që i bënë.

Që Ambasada e Yuri Kim mbështet dënimet bolshevike, nuk është gjë e re tashmë. Fjala vjen kryetari i zgjedhur i bashkisë Himarë mbahet në burg me vendime bolshevike, po Yuri ska koment!!!

2. Gjykatat tona kanë probleme serioze, pa asnjë diskutim, por kjo nuk i jep të drejtë asnjë ambasade të huaj të sillet si pronare e drejtësisë. Kjo e fundit duhet të jepet vetëm sipas ligjit, në një sallë gjyqi të hapur dhe sipas një procesi të rregullt ligjor.

Në asnjë rrethanë deklaratat e ambasadave nuk janë urdhëra për gjykatat e një vendi sovran.

3. Që ky vend qeveriset nga karagjozë, nuk kemi dyshim. Sjellja e ambasadores Amerikane është padyshim prova që qeverisemi nga karagjozë dhe krejt pa lidhje me Kushtetutën, ligjet dhe mandatin që u ka dhënë populli Shqiptar.

Ministria e Jashtme që më shumë foli në një proces emërimi, nuk ka asnjë fjalë për ti thënë zonjës Kim që mbllaçit bolshevizma?!

4. Çdo shqiptar është padyshim legjitim të kërkojë të informohet nga institucionet e vendit të tij. Ambasada Amerikane nuk është shtetas shqiptar.

5. Asnjë cent nuk është dhënë nga Amerika dhe askush tjetër për të ndikuar në vendimet e gjykatave. Ndihma financiare është dhënë për infrastrukturë, reforma e trajnime.

Sidoqoftë, nëse ato cent që na faturohen si ndihmë kanë qëllim ndikimin në vendimet e gjykatave, shteti shqiptar duhet ti kthejë menjëheër mbrapsht. Zëre se humbi një koncension tjetër në Arbitrazh.

6. Jam që drejtësia jonë e lartë ta rishikojë këtë çështje jo thjesht për dinjitetin e Sajmirit, por për të çmontuar modelin bolshevik të ndëshkimit jo në bazë të ligjit, por të ambasadave, politikës apo edhe drejtësisë popullore!

Sovraniteti dhe dinjiteti nuk shiten!

****

Kjo sjellje e Yuri Kim është e papranueshme në çdo këndvështrim ta marrësh.

Më në fund, më falni për cinizmin, e uroi gjë “non-gratën” Tom Doshi për fitoren e zgjedhjeve kjo zonja e parimeve?! Është partia e tretë PSD e nongratës...!

Bahhh!/ CNA.al