LEXO PA REKLAMA!

SHKARKO APP

Delina Ibrahimaj: Në 2023-shin do të rritet ekonomia me 3%

5 Tetor 2022, 19:36, Ekonomi CNA
Delina Ibrahimaj: Në 2023-shin do të rritet ekonomia me 3%
Ministrja e Financave dhe Ekonomisë, Delina Ibrahimaj

Ministrja e Financave dhe Ekonomisë, Delina Ibrahimaj, ka paralajmëruar rritje të ekonomisë shqiptare, teksa ka folur për hartimin e projektbuxhetit për vitin 2023.

Ibrahimaj tha në "Report TV", se vitin që vjen, ekonomia do të rritet me 3%, ndërsa pretendon se do të kemi edhe një normalizim të inflacionit.

“Jemi duke punuar intensivisht me qëllim përmbylljen e procesit të hartimit për projektbuxhetin 2023. Në tema makro ne parashikojmë që ekonomia shqiptare të rritet në një nivel rreth 3%. Parashikojmë inflacioni të jetë në parametra normal, duke qenë se pritet të ketë një normalizim të inflacionit vitin e ardhshëm.

Parashikojmë ulje të nivelit të borxhit dhe deficitit, këto janë parametrat kryesorë ku bazohet buxheti i vitit të ardhshëm. Prioritet mbështetjen për energjinë, përballimin e fakteve të krizës së çmimeve të rritura dhe përballimin e situatës së përgjithshme makroekonomike të vendit”, u shpreh ajo./ B.A. – CNA.al

Lajmet e fundit nga