web counter
LEXO PA REKLAMA!

SHKARKO APP

App Store
Google Play

E akuzuan si shkaktarin e humbjes së zgjedhjeve/ Justifikohet Ilir Meta

2 Qershor 2023, 22:25, Politikë CNA
E akuzuan si shkaktarin e humbjes së zgjedhjeve/ Justifikohet Ilir Meta
Kreu i PL-së, Ilir Meta

Një sërë akuzash janë ngritur ndaj kreut të PL-së, Ilir Metës pas humbjes së opozitës në zgjedhje. Shumë eksponentë politikë kanë ngritur pretendimet se opozita u dëmtua nga bashkëpunimi i PD-së me Metën.

Por ky i fundit është justifikuar për koalicionin me Berishën. Ai tha në një intervistë me Merita Haklajn se teza që është shkaktari i humbjes së zgjedhjeve nuk është e vërtetë.

Sipas tij, kjo tezë është ushqyer nga kryeministri Edi Rama për  të fshehur faktet publike të shkatërrimit të procesit zgjedhor

“Kjo tezë ushqehet nga Edi Rama për të fshehur faktet publike të shkatërrimit të procesit zgjedhor. Janë votues që mund të votojnë për alternativa të tjera që ekzistojnë. Askush nuk e pengon një iniciativë të re politike, por asgjë nuk ndryshon thelbin asaj që ka ndodhur operacion kriminal shtetëror nga fillimi në fund duke përfshirë gjithçka kundër opozitës dhe votuesve të saj. I gjithë qëllimi i Ramës ka qenë asgjësimi i opozitës. Përpjekjet për të shmangur përgjegjësitë e tij te tezat; jo ishte ky apo ai, janë përpjekje për të manipuluar një pjesë të opinionit, se dihet që Rama ka tmerr edhe një deputet të vetëm opozitar të vërtetë në parlament dhe mezi pret të ketë vetëm kukulla që i trajton si marioneta”, deklaroi ai, ndërsa theksoi se “koalicioni nuk përbën problem”./ CNA.al

 





Lajmet e fundit nga