E fundit!

13:42 Aktualitet

A do të marrin pjesë në seancë plenare?/ PD mbledh nesër Grupin Parlamentar

Partia Demokratike do të mbledhë nesër paradite Grupin Par...

Shtyhet me 5 vite të tjera ndalimi i gjuetisë/ Luan Baçi, kundër vendimit: Abuziv!

20 Korrik 2022, 15:59, Politikë CNA

Shtyhet me 5 vite të tjera ndalimi i gjuetisë/ Luan Baçi,

Deputeti i Partisë Demokratike, Luan Baçi

Deputeti i Partisë Demokratike, Luan Baçi, ka reaguar për shtyrjen e moratoriumit të gjuetisë me 5 vite të tjera, që parashikon ndalimin e gjuetisë, me qëllim përmirësimin e gjendjes së llojeve të faunës së egër.

Baçi u është bashkuar shoqatave për Gjueti dhe Konservim, të cilat e denoncojnë si vendim krejtësisht abuziv.

Në një deklaratë për shtyp, deputeti tha se PD do ta votojë kundër projektligjit dhe do t’i dalë zot komuniteteve të prekura nga politikat e mbrapshta të qeverisë.

“Mazhoranca socialiste ka kaluar në Komisionin e Veprimtarive Prodhuese, dhe do të sjellë në Kuvend, projektigjin për shtyrjen e moratoriumit të gjuetisë me 5 vite të tjera. Kjo është hera e tretë që vendoset moraturimi, duke e çuar në 15 vjet ndalimin e gjuetisë në vend.

Partia Demokratike u bashkohet shoqatave për Gjueti dhe Konservim, të cilat na e kanë përcjellë këtë shqetësim, dhe e denoncon si krejtësisht abuziv moratoriumin. Ky ështe një rast i paprecedent, që ndodh vetëm në Shqipëri, duke shkelur hapur të drejtat e komuniteteve lokale.

Partia Demokratike do të ofrojë ekspertizën ligjore për të mbështetetur Federatën për Gjueti dhe Konservim, e cila do ta çojë ligjin në Gjykatën Ndërkombëtare të të Drejtave të Njeriut. Nuk është flora dhe fauna shqetësimi i qeverisë, që e aktivizon për herë të tretë moratoriumin anti-gjueti.

Është e njëjta qeveri që do të shpyllëzojë vendin; e njëjta qeveri që nuk ndalon zjarrvëniet e qëllimshme në mijra hektarë pyje; e njëjta qeveri që asetet e trashëgimisë kulturore i kthen në projekte biznesi me hekur e beton. Aryeja ka të bëjë me të konsideruarit e Shqipërisë si çiflig ku lejohet të gjuajnë vetëm nomenklatura e partisë në pushtet.

Shprehim bindjen se moratoriumi nuk e ndalon gjuetinë, por i hap rrugë gjahut ilegal, i cili bëhet edhe më i dëmshëm për faunën e Shqipërisë. Partia Demokratike do ta votojë kundër projektligjit dhe do t’i dalë zot komuniteteve të prekura nga politikat e mbrapshta të qeverisë”, theksoi Baçi./ B.A. – CNA.al