E fundit!

13:42 Aktualitet

A do të marrin pjesë në seancë plenare?/ PD mbledh nesër Grupin Parlamentar

Partia Demokratike do të mbledhë nesër paradite Grupin Par...

Rama injoroi Opozitën/ PD: Riktheu traditat e Enver Hoxhës

20 Korrik 2022, 14:31, Politikë CNA

Një ditë më parë, kryeministri Edi Rama anashkaloi opozitën në Konferencën e parë Ndërqeveritare për hapjen e negociatave, në Bruksel.

Ndërkohë, në lidhje me këtë ka reaguar Sekretarja për Organizatat Partnere në PD, Megi Balliu.

Në një deklaratë për mediat, Balliu tha se Opozita socialiste ka qenë në të gjitha takimet me rëndësi kombëtare jashtë në krah të delegacioneve të qeverisë Berisha, ndërsa shtoi se dy shembuj të pakontestueshëm dhe publikë janë nënshkrimi i marrëveshjes së Stabilizim Asociimit dhe anëtarësimi në NATO.

Po ashtu, ajo theksoi se Edi Rama duke anashkaluar opozitën, duke shpërfillur unitetin dhe përfaqësimin në një moment me valencë kombëtare, e ktheu Shqipërinë në kohën e komunizmit.

“Që nga Konferenca e Londrës, në vitin 1913, dhe Konferenca e Paqes së Parisit, më 1919, shqiptarët kanë shkuar së bashku aty ku është folur dhe vendosur për fatin e përbashkët.

Pavarësisht krahinave, feve dhe ideve, krerët e këtij vendi kanë shkuar krah për krah, qoftë edhe për sytë e botës.

Kjo traditë shembullore e unitetit dhe tolerancës u zhbë nga Enver Hoxha në vitin 1944.

U kthye, pas katër dekadash kur komunizmi, theu qafën.

Në 30 vitet paskomuniste Partia Demokratike mund të krenohet, me të drejtë, me rekordin e saj të unitetit dhe përfaqësimit.

Tri fetë kryesore të shqiptarit, përfaqësoheshin në trekëndëshin Parlament – Qeveri - Presidencë.

Përkatësitë krahinore respektoheshin gjithashtu.

Opozita socialiste ka qenë në të gjitha takimet me rëndësi kombëtare jashtë në krah të delegacioneve të qeverisë Berisha.

Dy shembuj të pakontestueshëm dhe publikë janë nënshkrimi i marrëveshjes së Stabilizim Asociimit dhe anëtarësimi në NATO.

Në delegacionet e kryeministrit Berisha ka pasur përfaqësues të opozitës në të dyja rastet, siç do ta shihni në fotot që po u tregoj këtu.

Edi Rama duke anashkaluar opozitën, duke shpërfillur unitetin dhe përfaqësimin në një moment me valencë kombëtare, e ktheu Shqipërinë në kohën e komunizmit.

Ky është Edi Rama. Ne nuk kemi nevojë të lodhemi për ta shpjeguar, sepse ai nuk lodhet së qeni i ngjashëm me modelin e tij shpirtëror.

Partia Demokratike ndjen detyrimin publik përballë qeverisë aktuale me forcën e fakteve dhe modelet më të mira kombëtare.

Sigurisht, ne krenohemi që jemi pjesë e një modeli që ka parë dhe sheh nga uniteti kombëtar dhe përfaqësimi.”-deklaroi Megi Balliu./CNA.al