E fundit!

13:42 Aktualitet

A do të marrin pjesë në seancë plenare?/ PD mbledh nesër Grupin Parlamentar

Partia Demokratike do të mbledhë nesër paradite Grupin Par...

Problemi i PD nuk është Avokati i Popullit, por mungesa e lidershipit

19 Korrik 2022, 21:26, Politikë CNA

Problemi i PD nuk është Avokati i Popullit, por mungesa e lidershipit

Selia e PD-së

Po ndodh përsëri!

Si me Presidentin!

Një tufë njerëzish pa lidership që torolliteshin në diskutime për emrat, për të fshehur PROBLEMIN duke shpikur problemet.

Në debatin për Presidentin, ajo PD-ja e vërtetë, siç pretendon Alibeaj, u hallakat në diskutime emrash, në lista me kandidatë ku secili përmendi emrin e shokut të ngushtë.

Ndërsa Rama tallej dhe priste i qetë dështimin e kalamajve që pretendojnë të jenë PD-ja e vërtetë.

E keni vënë re?

Sa herë që del PROBLEMI, mbetjet e çetës së opozitës që vijnë vërdallë në grupin parlamentar të PD-së, plasin sherrin shterp për emrat.

Edhe sot ndërsa çeta e çuditshme, ku një herë këmbët bëhen kokë dhe një herë koka ndahet në dysh e shndërrohet në këmbë, plasi sherrin për emrat.

Të gjithë që sulmojnë të gjithë.

Këmbë e kokë të bërë lëmsh që vënë në dyshim gjithçka dhe këdo.

Njerëz pa kokë, pa këmbë, që herë shfaqen si kokë e herë si këmbë, e që për të fshehur mullaqet që kanë lënë zbuluar turren kundra kujtdo që për ta është askush.

Zgjedhja e Avokatit të Popullit, sikurse zgjedhja e Presidentit të Republikës, është një proces shumë i thjeshtë parlamentar.

Opozita ka të drejtë të propozojë, mazhoranca ka detyrimin të vendosë.

Rregullat e kompromisit kërkojnë që propozimi të jetë i pjekur, me emra kandidatësh me popullaritet që nderojnë opozitën, jo sepse janë skifterë të saj, por për shkak se janë më shumë se ajo. Emrat që propozon opozita duhet që të obligojnë mazhorancën, jo sepse mazhoranca mund të trembet prej tyre, por për shkak se ajo nuk mund t’i refuzojë pa u skuqur dhe pa marrë përsipër fajin e abuzimit me pushtetin.

Në këtë proces, opozita nuk i tregon popullit b*thën që do të ulet në një karrike, por i tregon sesa të mëdha, të forta dhe të shëndosha i ka mullaqet e veta.

Ky proces është i tillë që asnjëherë vëmendjen e njerëzve nuk duhet ta çojë te karrigia ku do të ulet kandidati, por tek aftësia e opozitës për të bërë detyrën.

Debati rreth emrave, e sidomos sherri i turpshëm për avantazhe sublime të atij që do apo mëkate të atij që urren secili deputet, është i gjithi debat që fsheh problemin e vërtetë dhe mungesën e lidershipit të mbetjeve të çetës së PD-së, për të ushtruar përgjegjësitë.

Debati është i turpshëm për një forcë politike sepse mungesën e tmerrshme të mullaqeve e fsheh pas fjalimeve për karrigen ku do të ulet kandidati.

Mbetjet e çetës nuk e humbën rastin pa na u shfaqur sërish me mullaqe jashtë.

Avokati i Popullit është institucion shumë i vogël për ta justifikuar këtë shfaqje.