web counter
LEXO PA REKLAMA!

SHKARKO APP

App Store
Google Play

Video-Si bllokoi Rama rrugën e integrimit në BE/ Topalli: Shqipëria e pagoi me 10 vite vonesë

19 Korrik 2022, 13:39, Politikë CNA

Video-Si bllokoi Rama rrugën e integrimit në BE/ Topalli:

Ish-kryetarja e Kuvendit, Jozefina Topalli, ka rikthyer sot në vëmendje se si 10 vite më parë, kur Edi Rama ishte në Opozitë, bllokoi marrjen e statusit kandidat në BE.

Në një postim në rrjetet sociale, Topalli shkruan se Rama në opozitë nuk pranoi të votonte tri ligjet, që ishin kërkuar nga BE, si kusht për çeljen e negociatave.

“Gjatë gjithë këtyre viteve kam menduar se si për tekat ose pa aftesinë e politikanëve vendi mund të rrëshqasë aty ku nuk mund të mendohet.

10 vite më parë, EU i kishte vendosur kusht Shqipërisë, që të votonte 3 ligje.

Këta kërkonin 84 vota, dmth pa votën e opozitës nuk kalonte.

Opozita e asaj kohe nuk pranoi, duke shpikur justifikime qesharake.

Shqipëria e pagoi me 10 vite vonesë hapjen e negociatave.”-shkruan Topalli.

Kujtojmë këtu se kur PS ishte në opozitë për gati 2 vjet me radhë nuk votonte 3 ligjet, duke vënë si kusht Qarkun e Fierit, ku sipas opozitës së asaj kohe, i mohohej e drejta e fituar me votë. 

Por nga ana tjetër 3 ligjet ishin vënë kusht nga Europa për integrimin, dhe pavarësisht thirrjeve të përsëritura për t’i votuar ato, për disa vite me radhë Rama mbajti peng dhënien e statusit kandidat për në BE.

Vetëm pasi socialistët i votuan ato ligje, Komisioni Europian vendosi t’i japë statusin kandidat Shqipërisë./CNA.al





Lajmet e fundit nga